मागच्या १४ दिवसात ७८ जिल्ह्यांमध्ये कोरोनाचा एकही नवा रुग्ण नाही - आरोग्य मंत्रालय

नवी दिल्ली, २३ एप्रिल: सध्या कोरोना व्हायरसमुळे संपूर्ण देश चिंतेमध्ये आहे. एकाबाजूला करोनाची लागण झालेल्या रुग्णांची वाढती संख्या तर दुसऱ्याबाजूला अर्थव्यवस्था ठप्प असल्याने रोजगाराची चिंता. देश अशा दुहेरी संकटाचा सामना करत असताना एका दिलासा देणारी बातमी समोर आली आहे. भारतातील ७८ जिल्ह्यात मागील १४ दिवसांत एकही कोरोना विषाणू बाधित रुग्णाचे प्रकरण समोर आले नसल्याची माहिती, केंद्रीय आरोग्य मंत्रालयाने गुरुवारी दिली. यामध्ये ९ राज्याती ३३ नव्या जिल्ह्यांचा समावेश असल्याचेही त्यांनी सांगितले.

In last 24 hours 1409 positive cases have been reported, which takes our total confirmed cases to 21,393: Lav Agarwal, Joint Secretary, Health Ministry #COVID19 pic.twitter.com/TVCj5RxGgw

— ANI (@ANI) April 23, 2020

दरम्यान, देशातील लॉकडाऊनला एक महिना पूर्ण झाला आहे. आरोग्य मंत्रालयानुसार या विषाणूविरोधातील लढ्यात देश सातत्याने चांगली कामगिरी करत आहे. टेस्टिंगची संख्या वाढवण्यात आली आहे. आतापर्यंत पाच लाखांहून अधिक चाचण्या करण्यात आल्या आहेत. त्याचबरोबर पीपीई किटसह व्हेंटिलेटर आणि कोविड समर्पित रुग्णालयांची संख्याही वाढवण्यात आली आहे.

आयसीएमआरने गुरुवारी सकाळी ९ वाजेपर्यंत देशात कोरोनाच्या एकूण ५,००,५४२ चाचण्या झाल्याची माहिती दिली. आयसीएमआरने म्हटले की, एकूण ४,८५,१७२ व्यक्तींचे परीक्षण करण्यात आले आहे. त्यात गुरुवारी सकाळपर्यंत २१,७९७ जणांचे अहवाल पॉझिटिव्ह आले आहेत.

दरम्यान देशातील वेगवेगळया राज्यांमध्ये मोठया प्रमाणावर कोरोनाच्या चाचण्या सुरु आहेत. त्यामुळे नेमकी किती लोकांना करोनाची लागण झाली आहे ते समोर येत आहे. मागच्या २४ तासात देशात १४०९ नागरिकांचे करोना चाचणीचे रिपोर्ट पॉझिटिव्ह आले आहेत. सध्याच्या घडीला देशात एकूण २१,३९३ करोनाग्रस्त रुग्ण आहेत. आरोग्य मंत्रालयचे सहसचिव लव अग्रवाल यांनी ही माहिती दिली.

News English Summary: Currently the whole country is concerned about the corona virus. On the one hand, the growing number of patients infected with the corona, on the other hand, the worries of employment due to the stagnation of the economy. As the country faces such a double whammy, there is some comforting news. No case of corona virus has been reported in 78 districts of India in the last 14 days, the Union Health Ministry said on Thursday. It also includes 33 new districts in 9 states, he said.

News English Title: Story Good News in 78 Districts of India no any fresh corona positive cases found in last 14 days news latest updates.