भाजपचे खासदार कपिल पाटील यांच्यासह कुटुंबातील ७ जणांना कोरोनाची लागण

भिवंडी, १० जुलै : राज्यात कोरोनाचा फैलाव वाढत चालला आहे. भिवंडी लोकसभेचे भाजप खासदार कपिल पाटील यांना कोरोनाची लागण झाली आहे. कपिल पाटील यांना सौम्य लक्षणं असल्याने त्यांना घरातच क्वारंटाईन करण्यात आलं आहे. दरम्यान त्यांच्या कुटुंबातील तब्बल ७ सदस्यांना देखील कोरोनाची लागण झाल्याचं वृत्त आहे.

खासदार कपिल पाटील हे हायवे दिवे येथील निवासस्थानी एकत्र कुटुंबात आपला मुलगा व तीन पुतणे यांच्यासह वास्तव्यास आहेत. कपिल पाटील यांच्या पत्नी यांना कुटुंबात सर्वप्रथम करोनाचा संसर्ग झाला. घरातील इतर व्यक्ती त्यांच्या संपर्कात आल्याने चाचणी केली असता त्यामध्ये खासदार कपिल पाटील, मुलगा, मुलगी, पुतण्या व दोन सूना असे एकूण ८ जण करोनाबाधित आढळून आले. या सर्वांवर उपचार सुरू असून ते सर्वजण सध्या होम क्वारंटाइन झाले आहेत.

News English Summary: It has come to light that BJP MP from Bhiwandi Lok Sabha Kapil Patil has also contracted corona. A total of seven members of his family, including Kapil Patil, have contracted corona.

News English Title: Coronavirus BJP MP Kapil Patil And Family Members Test Positive News Latest Updates.