शरद पवारांच्या बारामतीतील निवासस्थानी कोरोनाचा शिरकाव, ४ कर्मचारी पॉझिटिव्ह

नवी दिल्ली, २१ ऑगस्ट : राष्ट्रवादी कॉंग्रेसचे अध्यक्ष शरद पवार यांच्या बारामती येथील गोविंदबाग निवासस्थानी काम करणाऱ्या चार कर्मचाऱ्यांना कोरोनाची लागण झालीय. बारामतीतील कोरोना पॉझिटिव्ह रुग्णांची संख्या झपाट्याने वाढतेय. आज ही संख्या ४७३ झाली आहे. ५००च्या जवळपास पोहोचली आहे. पवारांच्या घरी काम करणाऱ्या चार कर्मचाऱ्यांना कोरोना झाल्याने एकच खळबळ उडाली आहे. हे शेतात, बागेत काम करणारे कर्मचारी असल्याचे प्रशासनाकडून सांगण्यात येत आहे.

गोविंद बागेतील जवळपास ५० कर्मचाऱ्यांचे दोन टप्प्यात स्वॅब घेण्यात आले होते. त्यापैकी आज ४ जणांचे अहवाल पॉझिटिव्ह आले आहेत. यापूर्वी शरद पवार यांच्या मुंबईतील सिल्व्हर ओक निवासस्थानी १२ कर्मचाऱ्यांना कोरोना झाला होता.

१९ ऑगस्ट रोजी रोजी घेतलेल्या नमुन्यांपैकी प्रतीक्षेत असलेल्या ३८ जणांचा अहवाल आज प्राप्त झाला असून त्यापैकी माळेगाव येथील चार जणांचे अहवाल पॉझिटिव्ह आले आहेत. तर उर्वरित ३४ जणांचे अहवाल निगेटिव्ह आलेले आहेत. त्यामुळे १९/ ८ /२० रोजी घेतलेल्या १३५ नमुन्यांपैकी एकूण कालचे चार व आजचे चार असे आठ जणांचा अहवाल RT-PCR पॉझिटिव्ह आलेला आहे.

News English Summary: Four employees of NCP president Sharad Pawar’s Govindbagh residence in Baramati have contracted corona. The number of corona positive patients in Baramati is increasing rapidly. The administration is saying that these employees are working in the fields and gardens.

News English Title: NCP President Sharad Pawar native place Baramati Govind Baug 4 people corona Positive found News Latest Updates.