शिवसेनेत जातीपातीचं राजकारण | गंभीर आरोप करत शिवसैनिकाचं मुख्यमंत्र्यांना पत्र

अहमदनगर, २९ सप्टेंबर : शिवसेनेतील अंतर्गत वाद आला चव्हाट्यावर आला आहे. शिवसेनेत जातीपातीचं राजकारण सुरू असल्याचा गंभीर आरोप शिवसेनेच्या एका पदाधिकाऱ्यानं केला आहे. त्यामुळे नगरच्या राजकीय वर्तुळात खळबळ उडली आहे. नाराज पदाधिकाऱ्यानं याबाबत थेट मुख्यमंत्री उद्धव ठाकरे यांना पत्र लिहून आपली व्यथा मांडली आहे. मनपा स्वीकृत नगरसेवक निवडीत शिवसेनेत जातीचं राजकारण केले जात असल्याचे या पत्रात स्पष्ट केलं आहे.

या पत्रात चंद्रकांत शेळके म्हणतात की, अहमदनगरमध्ये गुरुवारी स्वीकृत नगरसेवक भरणार आहेत, आजपर्यंत अनिल भैय्या राठोड यांनी कधीही जातीचे राजकारण शिवसेनेत केले नाही, त्यामुळे अहमदनगर येथील शिवसेना संघटना बळकट राहिली, परंतु काही दिवसांपासून याठिकाणी जातीचे राजकारण सुरु आहे. या राजकारणातून अनिल राठोड यांना पराभूत केले होते, आजही स्वीकृत नगरसेवकाच्या वेळी जातीचे राजकारण करुन दोन्ही उमेदवार एकाच जातीचे दिले आहेत असं त्यांनी सांगितले आहे.

तसेच आपण यात लक्ष घालावं नाहीतर अहमदनगरची शिवसेना एकतर भाऊ कोरेगावकर आणि काही जातीवादी फुटीर शिवसैनिकांनी आपल्या पक्षाला गळती लावायचं काम करुन राष्ट्रवादी काँग्रेसला बळ देत आहेत. त्यामुळे मुख्यमंत्री उद्धव ठाकरे यांनी तातडीने लक्ष घालावे, व अहमदनगर शिवसेनेमध्ये चाललेली धुसपूस थांबवावी अन्यथा या पुढील काळात शिवसेनेला मोठी किंमत मोजावी लागणार आहे असंही चंद्रकांत शेळके यांनी पत्राच्या शेवटी म्हटलं आहे.

शिवसेनेत जातीपातीचं राजकारण; शिवसैनिकाचा गंभीर आरोप, थेट मुख्यमंत्र्यांनाच लिहिलं पत्र pic.twitter.com/K3QQ7venEV

— महाराष्ट्रनामा न्यूज (@MahaNewsConnect) September 29, 2020

News English Summary: Shiv Sena’s internal dispute has come to the fore. A Shiv Sena office bearer has made a serious allegation that caste politics is going on in the Shiv Sena. This has created a stir in the political circles of the city. The disgruntled office bearer has written a letter directly to Chief Minister Uddhav Thackeray expressing his grief. It has been clarified in this letter that caste politics is being carried out in Shiv Sena in the election of Municipal Corporation sanctioned corporator.

News English Title: Caste Politics Shivsena Ahmednagar Shivsena worker writes letter to CM Uddhav Thackeray Marathi News LIVE latest updates.