अमित शहा, योगी आदित्यनाथ गेले तेथे भाजपचा पराभव झाला - असदुद्दीन ओवैसी

हैदराबाद, ५ डिसेंबर : हैदराबाद महापालिका निवडणुकीचे निकाल आज जाहीर होत आहेत. रात्री दहा वाजता हाती आलेल्या बातमीनुसार, भारतीय जनता पक्षाने जोरदार धक्के देत तेलंगण राष्ट्र समितीसह एमआयएमला विचार करायला भाग पाडले आहे. मागील निवडणुकीत केवळ तीन जागा मिळवणाऱ्या भारतीय जनता पक्षाने आतापर्यंत 48 जागा जिंकल्या आहेत. टीआरएसला सर्वाधिक 55 तर एमआयएमला 44 जागा मिळाल्या आहेत. तर कॉंग्रेसला अवघ्या 2 जागा मिळाल्या आहेत.

निवडणुकीचा निकाल लागल्यानंतर ओवैसी यांनी एक पत्रकार परिषद घेतली. यावेळी त्यांनी केंद्रीय गृहमंत्री अमित शहा आणि उत्तर प्रदेशचे मुख्यमंत्री योगी आदित्यनाथ यांच्यावर जोरदार हल्लाबोल केला आहे. “जेथे-जेथे अमित शाह योगी आदित्यनाथ गेले तेथे भारतीय जनता पक्षाचा पराभव झाला” असं असदुद्दीन ओवैसी यांनी म्हटलं आहे. ‘आम्ही भाजपशी लोकशाहीच्या मार्गाने लढू. तेलंगणाचे लोक भारतीय जनता पक्षाला राज्यात विस्तार करण्यापासून रोखतील असा आपल्याला विश्वास आहे” असं देखील त्यांनी म्हटलं आहे.

वर्ष 2016 मध्ये झालेल्या हैदराबाद महापालिका निवडणूकीत टीआरएसने 150 पैकी 99 जागांवर विजय मिळवला होता. तर एमआयएमलाला 44 जागा मिळाल्या होत्या. भारतीय जनता पक्षाला केवळ तीन जागांवर विजय मिळवता आला होता. तर कॉंग्रेसच्या खात्यात दोनच जागा जमा झाल्या होत्या. दरम्यान, भारतीय जनता पक्षाच्या या यशाबद्दल पक्षाध्यक्ष जे. पी. नड्डा यांच्यासह गृहमंत्री अमित शहा यांनी स्थानिक भारतीय जनता पक्षाच्या नेत्यांना यशाचे श्रेय दिले आहे.

News English Summary: The results of Hyderabad Municipal Corporation elections are being announced today. According to a report received at 10 pm, the Bharatiya Janata Party (BJP) has pushed hard and forced the MIM to reconsider with the Telangana Rashtra Samiti. The Bharatiya Janata Party, which won only three seats in the last elections, has so far won 48 seats. TRS has the highest number of 55 seats while MIM has 44 seats. The Congress has won only 2 seats.

News English Title: AIMIM President Asaduddin Qwaisi criticized BJP after greater Hyderabad municipal election result News updates.