इराणमध्ये अडीच कोटी नागरिकांना कोरोनाची बाधा - राष्ट्राध्यक्ष हसन रुहानी

तेहरान, १८ जुलै : इराणमध्ये अडीच कोटी नागरिकांना कोरोनाची बाधा झाल्याची माहिती राष्ट्राध्यक्ष हसन रुहानी यांनी दिली आहे. शनिवारी एका दिवसात इराणमध्ये २ लाख ७१ हजार ६०६ रुग्ण पॉझिटिव्ह आढळल्याची माहिती रुहानी यांनी टीव्हीवर देईल. एवढंच नाही तर इराणमध्ये आणखी साडेतीन कोटी लोक करोना पॉझिटिव्ह होऊ शकतात अशीही धक्कादायक शक्यता त्यांनी बोलून दाखवली. रॉयटर्सने या संदर्भातले वृत्त दिले आहे.

८ कोटी लोकसंख्या असलेल्या इराणमध्ये कोरोनाने पुन्हा डोकं वर काढलं आहे. त्यामुळे चिंता व्यक्त करण्यात येत आहे. या आधी जानेवारी आणि फेब्रुवारी महिन्यात तिथे उद्रेक झाला होता. राष्ट्रपती हसन रूहानी यांनी शुक्रवारी केलेल्या भाषणात देशातल्या ३.५ कोटीपेक्षा जास्त नागरिकांना कोरोना होऊ शकत अशी भीती व्यक्त केली.

इराणमध्ये आत्तापर्यंत १४ हजार लोकांचा कोरोनामुळे मृत्यू झाला आहे. तर काही हजार रुग्णांची स्थिती गंभीर आहे. मागील दोन महिन्यांपासून रुग्णांच्या संख्येत घट होत होती. मात्र आता पुन्हा कोरोनाने डोकं वर काढल्याने चिंता व्यक्त करण्यात येत आहे. फेब्रुवारी आणि मार्च महिन्यात कोरोनाने इराणमध्ये हाहाकार केला होता. मृतदेह पुरण्यासाठी अनेक मैदानांमध्ये कबरी खोदण्यात आल्या होत्या. इराणमध्ये शेकडो भारतीय अटकले होते त्या सगळ्यांना समुद्र आणि हवाई मार्गाने भारतात आणण्यात आलं आहे. कोरोनाला रोखण्यासाठी इराणमध्येही लॉकडाऊन करण्यात आलं होतं. त्याचा मोठा फटका तिथल्या अर्थव्यवस्थेला बसला आहे.

News English Summary: President Hassan Rouhani has said that 2.5 million people in Iran are affected by the Corona. Rouhani will report on TV that 2 lakh 71 thousand 606 patients tested positive in Iran in one day on Saturday.

News English Title: Rouhani Warns 25 Million Infected As Iran Reimposes Restrictions News Latest Updates.