आगामी महापालिका निवडणुकीची रणनीती | भाजपकडून जवाबदारीचं वाटप

मुंबई, ७ जानेवारी: मुंबई महानगरपालिका निवडणुकी जवळ आली असताना महाविकासआघाडी सरकारमधील पक्ष आणि भारतीय जनता पक्षाने जोरदार तयारीला लागले आहेत. भारतीय जनता पक्षाने या निवडणुकीसाठी जबाबदारीचं वाटप केलं आहे. नुकत्याच झालेल्या संघटनात्मक बैठकांमध्ये भारतीय जनता पक्षाने महापालिका निवडणुकांसाठी रणनीती ठरवली. त्यानुसार आशिष शेलार यांची नवी मुंबई महापालिका निवडणुकीसाठी प्रभारी म्हणून नियुक्त केलं आहे. गणेश नाईक आणि मंदा म्हात्रे या दोघांमध्ये समन्वय ठेवून पालिका निवडणुका जिंकण्याचं आव्हान आशिष शेलार यांच्यासमोर आहे.

लवकरच राज्यातील ५ महापालिकांसाठी निवडणुका जाहीर होणार आहेत. यामध्ये नवी मुंबई, औरंगाबाद, कल्याण डोंबिवली, वसई विरार आणि कोल्हापूर महापालिकेची निवडणूक होत आहे. त्यासाठी भारतीय जनता पक्षाने रणनीती आखण्यास सुरुवात केली आहे. या निवडणुकांसाठी भारतीय जनता पक्षाने हुकमी मोहरे निवडले आहेत.

कल्याण डोंबिवली महापालिका निवडणुकीसाठी आमदार संजय केळकर यांच्याकडे निवडणूक प्रभारी म्हणून जबाबदारी दिली आहे. तर औरंगाबाद मनपासाठी गिरीश महाजन हे निवडणूक प्रभारी म्हणून काम पाहणार आहेत. कोल्हापूर मनपा निवडणुकीसाठी शेखर इनामदार आणि खासदार रणजितसिंह निंबाळकर हे प्रभारी म्हणून काम पाहतील. इतर महापालिका निवडणुकांसाठी मुख्य जबाबदारी आणि प्रभारी यांचे वाटप भाजपने निश्चित करत निवडणुकांच्या तयारीला सुरुवात केली आहे.

News English Summary: With the Mumbai Municipal Corporation elections approaching, the parties in the Mahavikasaghadi government and the Bharatiya Janata Party are busy preparing. The Bharatiya Janata Party has allotted responsibility for this election. In the recent organizational meetings, the Bharatiya Janata Party decided on a strategy for the municipal elections. Accordingly, Ashish Shelar has been appointed in charge of Navi Mumbai Municipal Corporation elections. Ashish Shelar is facing the challenge of winning the municipal elections by coordinating Ganesh Naik and Manda Mhatre.

News English Title: BJP announced team for upcoming municipal corporation elections news updates.