महाराष्ट्रात कोरोना विक्रम रचतोय...एका दिवसात ५ हजार २४ रुग्ण

मुंबई, २४ जून : महाराष्ट्रामध्ये पहिल्यांदाच कोरोना रुग्णांचा आकडा एका दिवसात ५ हजारांपेक्षा जास्तने वाढला आहे. आजच्या एका दिवसात कोरोनाचे सर्वाधिक ५,०२४ रुग्ण वाढले आहेत. तर १७५ जणांच्या मृत्यूची नोंद झाली आहे, यातले ९१ मृत्यू हे मागच्या ४८ तासातील आहेत, ८४ मृत्यू हे मागच्या काळातील आहेत. सध्या राज्यातला मृत्यूदर हा ४.६५ टक्के एवढा आहे. राज्यात आत्तापर्यंत ७,१०६ जणांचा कोरोनामुळे मृत्यू झाला आहे.

Maharashtra reports 175 deaths and 5024 new #COVID19 positive cases. Out of the total 175 deaths, 91 deaths are of last 48 hours and 84 deaths are of previous dates but recorded today. There are 65,829 active cases in the State: State Health Department

— ANI (@ANI) June 26, 2020

राज्यातल्या कोरोनाग्रस्तांची संख्या १,५२,७६५ एवढी झाली आहे. तर सध्या ६५,८२९ रुग्ण हे ऍक्टिव्ह आहेत. आज २,३६२ रुग्णांना डिस्चार्ज देण्यात आला, त्यामुळे पूर्णपणे बरे होऊन घरी गेलेल्या रुग्णांची एकूण संख्या ७९,८१५ एवढी झाली आहे. राज्यातील रुग्ण बरे व्हायचे प्रमाण ५२.२५ टक्के एवढे झाले आहे.

आजपर्यंत पाठवण्यात आलेल्या ८ लाख ७१ हजार ८७५ नमुन्यांपैकी १ लाख ५२ हजार ७६५ नमुने पॉझिटिव्ह आले आहेत. सध्या राज्यात ५ लाख ५८ हजार ४८८ लोक होम क्वारंटाइन आहेत. तर ३६ हजार ९०३ लोक संस्थात्मक क्वारंटाइन आहेत. राज्यातील करोनाबाधितांची एकूण संख्या आता १ लाख ५२ हजार ७६५ इतकी झाली आहे.

News English Summary: Maharashtra reports 175 deaths and 5024 new COVID19 positive cases. Out of the total 175 deaths, 91 deaths are of last 48 hours and 84 deaths are of previous dates but recorded today. There are 65,829 active cases in the State.

News English Title: Maharashtra reports 175 deaths and 5024 new COVID19 positive cases News Latest Updates.