मनसे कार्यकर्त्यांनी अ‍ॅमेझॉनचं पुण्यातील कार्यालय फोडलं | वाद पेटणार

पुणे, २५ डिसेंबर: महाराष्ट्र नवनिर्माण सेना आणि अॅमेझॉन यांच्यात सुरु असलेला ‘नो मराठी, नो अ‍ॅमेझॉन’ वाद आता चिघळला आहे. आता हा वाद कोर्टात गेला आहे. मनसे अध्यक्ष राज ठाकरे आणि महाराष्ट्र नवनिर्माण कामगार सेनेला अॅमेझॉननं कायदेशीर नोटीस बजवली आहे. कारण अॅमेझॉननं राज ठाकरे यांच्याविरोधात कोर्टात धाव घेतली होती. त्यानंतर दिंडोशी न्यायालयानं या प्रकरणी राज ठाकरेंसह मनसे कामगार सेनेला नोटीस बजावली आहे. 5 जानेवारीला कोर्टात हजर राहण्याचे त्यांना आदेश देण्यात आले आहेत.

मनसे कामगार सेनेच्या पदाधिकाऱ्यांना मुंबईतील अॅमेझॉन कार्यालयाच्या 100 मीटर परिसरात उपस्थित राहण्यास मज्जव करण्यात आला आहे. तर मनसे अध्यक्ष राज ठाकरे हे पुढल्या 5 जानेवारीला त्याची इच्छा असल्यास उपस्थित राहू शकतात, असं दिंडोशी कोर्टानं बजावलेल्या नोटिशीत म्हटलं आहे.

दरम्यान, महाराष्ट्र नवनिर्माण सेनेचे अध्यक्ष राज ठाकरे यांना नोटीस आल्यानंतर मनसे आक्रमक झाली असून अ‍ॅमेझॉनचं पुण्यातील कार्यालय फोडण्यात आलं आहे. पुण्यातील कोंढवा भागातील ॲमेझोनच्या कार्यालयाची मनसे कार्यकर्त्यांकडून तोडफोड करण्यात आली आहे. यावेळी कार्यकर्त्यांकडून ‘मराठी नाही तर अॅमेझॉन नाही’ अशी घोषणाबाजी करण्यात आली.

News English Summary: MNS has become aggressive after receiving a notice from Maharashtra Navnirman Sena president Raj Thackeray and Amazon’s Pune office has been blown up. Amazon’s office in Kondhwa area of Pune has been vandalized by MNS activists. At this time, the activists shouted ‘No Marathi, no Amazon’.

News English Title: MNS party activist attack on Amazon Pune office news updates.