एकनाथ शिंदेंच्या कार्यक्रमात मनसैनिकांची घोषणाबाजी | शिवसैनिकांकडून दोघा मनसे कार्यकर्त्यांना चोप

वसई, ५ जानेवारी: मनसे आणि शिवसैनिकांमधील वैर सर्वश्रुत आहे. त्यात ठाण्यातील शिवसेना आणि मनसेतील वादामुळे ठाण्याचे पालकमंत्री आणि नगरविकास मंत्री एकनाथ शिंदे मनसेच्या नेहमीच रडारवर असतात. दरम्यान आज वसईतील एका कार्यक्रमाला एकनाथ शिंदे यांनी हजेरी लावली असता स्थानिक महाराष्ट्र नवनिर्माण सेनेच्या कार्यकर्त्यांनी जोरदार घोषणाबाजी केली. वादाचं कारण होतं वसई-विरार महापालिकेचे आयुक्त. यावेळी “आयुक्त साहेब वेळ द्या, आयुक्त साहेब वेळ द्या” अशा घोषणा महाराष्ट्र नवनिर्माण सेनेच्या कार्यकर्त्यांनी दिल्या.

त्यानंतर काहीसा गोंधळ उडाल्याचे पाहायला मिळाले. मात्र सदर ठिकाणी मोठ्या संख्येने शिवसैनिक देखील उपस्थित होते. संबंधित मनसे कार्यकर्त्यांना वसई पोलिसांनी दोघांना ताब्यात घेतलं खरे, पण त्यावेळेच्या बाचाबाचीत शिवसैनिकांनी घोषणाबाजी करणाऱ्या दोघा मनसे कार्यकर्त्यांना बेदम चोप देत कार्यक्रमातून बाहेर काढलं. त्यानंतर पोलिसांनी दोन्ही मनसे कार्यकर्त्यांना ताब्यात घेतलं आहे.

वसई विरार महापालिकेच्या परिवहन सेवेच्या नूतनीकरण आणि लोकार्पण सोहळ्यासाठी मंत्री एकनाथ शिंदे वसईत उपस्थित होते. त्यावेळी अचानक हा प्रकार घडला. एकनाथ शिंदेंकडे ठाण्याच्या पालकमंत्रिपदाची धुरा आहे आणि त्यामुळे पोलिसांनी देखील विशेष काळजी घेतली होती.

News English Summary: While Eknath Shinde was attending a program in Vasai today, local Maharashtra Navnirman Sena activists shouted slogans. The reason for the dispute was the Vasai-Virar Municipal Commissioner. On this occasion, the activists of Maharashtra Navnirman Sena gave the slogan “Commissioner Saheb give time, Commissioner Saheb give time”. It is true that Vasai police arrested both the concerned MNS workers, but during the altercation at that time, Shiv Sainiks beat the two MNS workers who were shouting slogans and kicked them out of the program. After that, the police have arrested both the MNS activists.

News English Title: MNS party workers ruckus at Minister eknath Shinde program in Vasai News updates.