Adani Green Share Price | अदानी ग्रीन एनर्जी शेअर्समध्ये जोरदार तेजी, तज्ज्ञांचा खरेदी सल्ला, पुढची टार्गेट प्राईस जाहीर
Adani Green Share Price | अदानी समूहाचा भाग असलेल्या अदानी ग्रीन एनर्जी कंपनीच्या शेअर्समध्ये मजबूत तेजी पाहायला मिळत आहे. कालच्या ट्रेडिंग सेशनमध्ये या कंपनीचे शेअर्स 3.5 टक्के वाढीसह 1882 रुपये किमतीवर ट्रेड करत होते. तर आज देखील या कंपनीच्या शेअर्समध्ये जोरदार खरेदी पाहायला मिळत आहे. अदानी ग्रीन एनर्जी स्टॉकमध्ये वाढ होण्याचे मुख्य कारण म्हणजे, कंपनीने गुजरातमधील खावडा रिन्युएबल एनर्जी पार्कमध्ये 551 मेगावॅट सौर क्षमता असलेल्या प्रकल्पाचे काम सुरू केल्याची घोषणा केली आहे.
या प्रकल्पामध्ये 30 GW अक्षय ऊर्जा निर्मिती क्षमता असलेला प्रोजेक्ट पुढील पाच वर्षांत कार्यान्वित केला जाणार आहे. प्रकल्प पूर्ण झाल्यावर खावडा रिन्युएबल एनर्जी पार्क जगातील सर्वात मोठा अक्षय ऊर्जा निर्मिती करणारा प्रकल्प बनेल. आज गुरूवार दिनांक 15 फेब्रुवारी 2024 रोजी अदानी ग्रीन एनर्जी स्टॉक 2.04 टक्के वाढीसह 1,890.05 रुपये किमतीवर ट्रेड करत आहे.
अदानी ग्रीन एनर्जी कंपनीच्या शेअर्समध्ये वाढ होण्याचे दुसरे कारण म्हणजे, मूडीज इन्व्हेस्टर्स सर्व्हिस फर्मने मंगळवारी अदानी समूहाचा भाग असलेल्या 4 कंपन्यांची रेटिंग अपग्रेड केली आहे. पूर्वी या स्टॉकवर ‘नकारात्मक’ रेटिंग देण्यात आली होती, जी आता ‘स्थिर’ करण्यात आली आहे. यामध्ये अदानी ग्रीन एनर्जी कंपनीच्या शेअर्सचा ही समावेश आहे. जानेवारी 2023 मध्ये हिंडेनबर्ग फर्मचा अहवाल जाहीर झाला होता. त्यानंतर मूडीजने अदानी समुहाच्या 4 कंपन्यांचे रेटिंग नकारात्मक केले होते. अदानी ग्रीन एनर्जी ही कंपनी भारतातील सर्वात मोठी आणि जगातील आघाडीची अक्षय ऊर्जा निर्माण करणारी कंपनी मानली जाते.
गौतम अदानी यांनी एका निवेदनात माहिती दिली की, “अदानी ग्रीन एनर्जी कंपनी हरित ऊर्जा, सौर आणि पवन ऊर्जा यासाठी सर्वात व्यापक अक्षय ऊर्जा परिसंस्था तयार करण्याचे काम करत आहे. खावडा आरई प्लांट सारख्या धाडसी आणि नाविन्यपूर्ण प्रकल्पांसह अदानी ग्रीन एनर्जी कंपनी आपल्या पोर्टफोलिओमध्ये विस्तार करत आहे”.
नुकताच अदानी ग्रीन एनर्जी कंपनीने आपले डिसेंबर 2023 तिमाहीचे आर्थिक निकाल जाहीर केले आहेत. अदानी ग्रीन एनर्जी कंपनीने डिसेंबर तिमाहीत मागील वर्षीच्या याच तिमाहीच्या तुलनेत 148 टक्के वाढीसह 256 कोटी रुपये निव्वळ नफा कमावला आहे.
मागील आर्थिक वर्षात या कंपनीने 103 कोटी रुपये निव्वळ नफा कमावला होता. चालू आर्थिक वर्षाच्या तिसऱ्या तिमाहीत अदानी ग्रीन एनर्जी कंपनीने 2,675 कोटी रुपये महसूल संकलित केला आहे. तर मागील आर्थिक वर्षाच्या याच तिमाही कालावधीत कंपनीने 2,256 कोटी रुपये महसूल संकलित केला होता.
शेअर बाजारातील तज्ञांच्या मात्र, अदानी ग्रीन एनर्जी कंपनीचे शेअर्स पुढील काळात 2,100 रुपये किंमत स्पर्श करू शकतात. पुढील एका महिन्यात शेअर्सची अपेक्षित ट्रेडिंग रेंज 1,700 रुपये ते 2,150 रुपये असू शकते. शेअर्समध्ये सपोर्ट किंमत 1,746 रुपये किमतीवर असून रेझिस्टन्स लेव्हल 1,990 रुपये किमतीवर आहे. अदानी ग्रीन एनर्जी कंपनीच्या शेअर्सची उच्चांक किंमत पातळी 1,991.60 रुपये होती. तर नीचांक किंमत पातळी 439.35 रुपये होती. या कंपनीचे एकूण बाजार भांडवल 2,94,194.43 कोटी रुपये आहे.
महत्वाचं :म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
News Title | Adani Green Share Price NSE Live 15 February 2024.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Stocks To Buy | बँक FD किती वार्षिक व्याज देईल? पण या बँकेचा शेअर अल्पावधीत 35 टक्के परतावा देईल
- Mastek Share Price | 40 रुपयाच्या शेअरची कमाल! तब्बल 4000 टक्के परतावा दिला, आता एका दिवसात 20% वाढला
- Dynacons Share Price | कुबेर पावेल! हा शेअर खरेदी करा, 15 दिवसात दिला 83% परतावा, यापूर्वी 7657% परतावा दिला
- Numerology Horoscope | 23 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा मंगळवारचा दिवस कसा असेल
- Numerology Horoscope | 19 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल
- Numerology Horoscope | 22 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा सोमवारचा दिवस कसा असेल
- Talbros Auto Share Price | टॅलब्रोस कंपनीची ओरडारबुक मजबूत होताच शेअर्स तेजीत, 2 दिवसात 10 टक्के परतावा
- Numerology Horoscope | 17 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल
- Jio Financial Services Share Price | जिओ फायनान्शियल शेअरमध्ये चढ-उतार, स्टॉक पुढे तेजीत वाढणार की घसरणार?
- Infosys Share Price | भरवशाचा इन्फोसिस शेअर उसळी घेणार, दिग्गज ब्रोकिंग तज्ज्ञांकडून मोठी टार्गेट प्राईस जाहीर