#BabyPenguin ट्विटवर ट्रेंड, युवासेनेकडून पोलिसात तक्रार दाखल

मुंबई, १६ जुलै : ट्विटरवर #BabyPenguin हा हॅशटॅग मोठ्या प्रमाणावर ट्रेंड होत आहे. यामध्ये ठाकरे सरकारची थेट मुघल राजशी तुलना करणाऱ्या एका सोशल मीडिया युजरविरोधात मुंबई पोलिसात तक्रार दाखल करण्यात आल्यानंतर हा हॅशटॅग अधिकच ट्रेंड होऊ लागला आहे. टाइम्स ऑफ इंडियाच्या वृत्तानुसार, युवासेनेचे कायदेशीर सल्लागार धर्मेंद्र मिश्रा यांनी ट्विटर युजर समीत ठक्कर याच्याविरोधात पोलीस ठाण्यात तक्रार दिली असून पोलिसांनी गुन्हा दाखल केला आहे. या सर्व घडामोडींच्या पार्श्वभूमीवरच #BabyPenguin हा हॅशटॅग ट्रेंड होत आहे. पण यामध्ये आदित्य ठाकरेंचं नाव चर्चेत का आहे असा प्रश्न अनेकांना पडला आहे.

विशेष म्हणजे ज्या व्यक्तीमुळे हा ट्रेंड सुरु झाला आहे त्या व्यक्तीला म्हणजे समीत ठक्करला देशाचे पंतप्रधान नरेंद्र मोदी सुद्धा फॉलो करत असल्याने युवासेनेचे कायदेशीर सल्लागार धर्मेंद्र मिश्रा यांनी आश्चर्य व्यक्त केलं आहे. समीत ठक्कर विरोधात व्ही पी रोड पोलिसांकडे तक्रार करण्यात आल्याचं वृत्त आहे. तसेच समीत ठक्करने ट्विटमध्ये राज्यातील मोठ्या नेत्यांबद्दल अवमानकारक भाषा वापरल्याचं तक्रारीत म्हटलं आहे.

सदर विषयात झालंय असं की, समीत ठक्कर याने ट्विटला मुख्यमंत्री उद्धव ठाकरे यांच्यासहित पर्यावरणमंत्री आदित्य ठाकरे यांच्यावरही टीका केली आहे. १ जुलै रोजी करण्यात आलेल्या या ट्विटमध्ये त्याने मुख्यमंत्री उद्धव ठाकरे यांचा उल्लेख नव्या काळातील औरंगजेब असा केला असून आदित्य ठाकरे यांना मोहम्मद आझम शाह उर्फ बेबी पेंग्विन असं म्हटलं आहे.

दरम्यान, पोलिसांनी एफआयआर दाखल केल्यानंतर समीर ठक्कर याने आपली बाजू मांडताना, “आपण फक्त कठोर भाषेचा वापर केला असून हे असंवैधानिक नाही. जर माझी पोस्ट आक्षेपार्ह होती तर ट्विटने ती काढली का नाही ? सरकारवर टीका करण्याच्या माझ्या लोकशाही अधिकाराचा मी वापर केला आहे,” असं म्हटलं आहे.

News English Summary: The hashtag #BabyPenguin is currently trending on Twitter. The hashtag has become a trend after a complaint was lodged in Mumbai against a social media user who compared the Thackeray government to the Mughal Raj.

News English Title: Baby Penguin Trending On Twitter After User Targets Minister Aaditya Thackeray News Latest Updates.