मुंबई महापालिकेचे सहाय्यक आयुक्त अशोक खैरनार यांचा कोरोनामुळे मृत्यू

मुंबई, ११ जुलै : मुंबईत कोरोनाबाबत सर्वात चांगली कामगिरी असणाऱ्या वांद्रे पूर्व-खार येथील एच ईस्ट वॉर्डच्या ऑफिसरचा मृत्यू झाला आहे. एच ईस्ट वॉर्डचे सहाय्यक आयुक्त अशोक खैरनार ( वय 57 वर्ष) यांच्या मृत्यूमुळे खळबळ उडाली आहे. काही दिवसांपूर्वी अशोक खैरनार यांची कोविड 19 टेस्ट पॉझिटिव्ह आली होती. सुरुवातीला त्यांच्यावर वांद्रे येथील गुरुनानक हॉस्पिटलमध्ये उपचार सुरु होते. त्यानंतर सेव्हन हिल्स हॉस्पिटलमध्ये त्यांच्यावर उपचार सुरु होते.

BMC सहायक आयुक्त अशोक खैरनार यांचा कोरोनामुळे मृत्यू#Mumbai #BMC #Covid19 pic.twitter.com/464TuBdHP5

— महाराष्ट्रनामा न्यूज (@MahanamaNews) July 11, 2020

शिवाजी पार्क स्मशानभूमीत अशोक खैरनार यांच्यावर अंत्यसंस्कार होणार आहेत. सुरूवातीला रूग्णसंख्या वाढलेल्या वांद्रे पूर्व येथील एच पूर्व विभागात अशोक खैरनार यांनी प्रयत्न केले. खैरनार यांच्या प्रयत्नांमुळे मुंबईत सर्वात कमी ग्रोथ रेट त्यांच्या एच इस्ट वॉर्डचा होता. रुग्णसंख्या वाढीचा दर रोखण्यात तसंच, डबलींग रेट वाढवण्यात त्यांना यश आलं होतं. मुख्यमंत्र्यांचे निवासस्थान असलेल्या मातोश्रीचा परिसर एच पूर्व विभागात येतो.

यापूर्वी पालिकेचे उपायुक्त शिरिष दीक्षित यांचाही कोरोनामुळे मृत्यू झाला आहे. तसंच आतापर्यंत पालिकेतील १०० हून अधिक कर्मचा-यांचा कोरोनानं बळी घेतला आहे.

News English Summary: An officer of H East ward in Bandra East-Khar, who had the best performance in Mumbai regarding corona, has died. The death of Ashok Khairnar (age 57), assistant commissioner of H East ward, has caused a stir. A few days ago, Ashok Khairnar’s Covid 19 Test came positive.

News English Title: BMC assistant commissioner Ashok Hhairnar died due to corona virus News Latest updates.