महाराष्ट्र व मुंबई पोलीसांची बदनामी भाजपाला खुश करण्यासाठी | कंगनाचा कबूलनामा - काँग्रेस

मुंबई, ४ जानेवारी: उर्मिला मातोंडकर यांनी मुंबईतील खार येथे नवीन कार्यालय खरेदी केलं आहे. अर्थात, या कार्यालयाच्या खरेदीचा राजकारणाशी किंवा शिवसेना प्रवेशाशी अजिबात संबंध नाही, असं खुद्द त्यांनी स्पष्ट केलं आहे. परंतु, त्यावरून कंगनानं काल त्यांना टोमणा मारला होता. ‘मी स्वत:च्या कष्टानं बांधलेलं घरही काँग्रेसनं तोडून टाकलं. भारतीय जनता पक्षाला खूष करून माझ्या मागे फक्त २५-३० कोर्टाचे खटले लागले. मी सुद्धा हुशारीनं काँग्रेसला खूष केलं असतं तर बरं झालं असतं. मी खरंच मूर्ख आहे,’ असं ट्वीट तिनं केलं होतं.

त्यानंतर उर्मिला मातोंडकर यांनीही कंगनाला उत्तर दिलं होतं. ‘वेळ आणि जागा तू सांग. माझ्या खरेदीच्या व्यवहाराची कागदपत्रे घेऊन तुला भेटायला येते. माझ्या व्यवहाराचा राजकारणाशी संबंध नाही हेही तुला दाखवेन, असं उर्मिला यांनी म्हटलं होतं.

अभिनेत्री उर्मिला मातोंडकर यांच्यावर टीका करताना कंगना राणावत हिनं केलेल्या एका ट्वीटवरून काँग्रेसनं भारतीय जनता पक्षावर निशाणा साधला आहे. ‘मुंबई पोलीस व महाराष्ट्राच्या बदनामीच्या कटाचा सूत्रधार भारतीय जनता पक्षच होता हे कंगनाच्या ट्वीटवरून सिद्ध झालं आहे,’ असं काँग्रेसनं म्हटलं आहे.

भारतीय जनता पक्षाला खूष करण्यासाठी कंगनाला महाराष्ट्राची व मुंबई पोलिसांची बदनामी केली, असं तिनं म्हटलं आहे. हा एक प्रकारचा कबुलीजबाब आहे आणि महाराष्ट्राच्या बदनामीच्या कटाचा सूत्रधार भारतीय जनता पक्ष आहे हे यातून स्पष्ट झालंय,’ असं सावंत यांनी म्हटलं आहे. ‘भारतीय जनता पक्षानं नाक घासून महाराष्ट्राच्या जनतेची माफी मागितली तरी या पापातून मुक्ती मिळणार नाही. जाहीर निषेध!,’ असंही त्यांनी म्हटलं आहे.

BJP ko khush karke…..
महाराष्ट्राची, मुंबई पोलीसांची बदनामी ही भाजपा ला खुश करण्यासाठी होती. @BJP4Maharashtra या कटाची सूत्रधार होती याचा हा कबूलनामा आहे. भाजपाने नाक घासून महाराष्ट्राच्या जनतेची माफी मागितली तरी या पापातून मुक्ती मिळणार नाही. जाहीर निषेध! pic.twitter.com/2F2Py3YfaT

— Sachin Sawant सचिन सावंत (@sachin_inc) January 3, 2021

News English Summary: Kangana Ranaut has said that Kangana defamed Maharashtra and Mumbai police to please the Bharatiya Janata Party. This is a kind of confession and it is clear that the Bharatiya Janata Party is the mastermind behind the conspiracy to defame Maharashtra, ‘said Sachin Sawant. Even if the Bharatiya Janata Party apologies to the people of Maharashtra, it will not get rid of this sin. Public protest !, ‘he has also said.

News English Title: Congress spokesperson Sachin Sawant attacks BJP over Kangana Ranaut tweet news updates.