ठाणे पालिका: मनसेचे संदीप पाचंगे यांच्या पाठपुराव्याने रुग्णांना PPE किट निम्या दरात

ठाणे, १५ जुलै : ठाणे जिल्ह्यात मंगळवारी करोनाचे १ हजार ५०३ नवे रुग्ण आढळले आहेत. त्यामुळे जिल्ह्यातील करोनाबाधितांची एकुण संख्या ५८ हजार ५०७ इतकी झाली आहे. तर, मंगळवारी दिवसभरात जिल्ह्यात ३५ जणांचा करोनामुळे मृत्यू झाला असून जिल्ह्यातील मृतांची एकुण संख्या १ हजार ६८९ वर पोहोचली आहे.

ठाणे जिल्ह्यात मंगळवारी १ हजार ५०३ नवे करोनाबाधित रुग्ण आढळून आले आहेत. त्यामध्ये ठाणे शहरातील ३४४, कल्याण-डोंबिवली शहरातील ३३६, नवी मुंबईतील २३९, उल्हासनगरमधील १९३, ठाणे ग्रामीणमधील १६४, मीरा-भाईंदरमधील १०५, अंबरनाथमधील ४९, बदलापूर शहरातील ४७ आणि भिवंडीतील २६ रुग्णांचा समावेश आहे.

दुसरीकडे कोरोना आपत्तीने कंटाळलेल्या सामान्य गोरगरीब रुग्णांना पीपीई कीट तिप्पट दराने विकून ठाण्यात खासगी रुग्णालयांकडून लूट सुरु होती. या पीपीई कीट घोटाळ्यात मेडीकल चालकही उतरले असून खासगी रुग्णालयांच्या साथीने त्यांनी रुग्णांच्या खिशाला काञी लावण्याचा गोरखधंदा थाटला होता. याप्रकरणी ठाणे पालिका प्रशासन व एफडीएकडे मनसेचे विद्यार्थी सेनेचे जिल्हाध्यक्ष संदीप पाचंगे यांनी विषय उचलून धरला आणि त्याचा पाठपुरावा देखील केला.

ठाण्यातील अंबिकानगर परिसरात असणार्‍या स्वस्तिक हाॅस्पिटलमध्ये ११ ते १७ जूनदरम्यान कोरोना रुग्णावर उपचार करण्यात आले. या रुग्णाच्या एकूण बिलापैकी तब्बल ४९ हजार ३५० रुपये पीपीई किटबाबत लावण्यात आले. याबाबत रुग्णाच्या नातेवाईकांनी महाराष्ट्र नवनिर्माण विद्यार्थी सेनेचे जिल्हाध्यक्ष संदीप पाचंगे यांच्याकडे तक्रार केली. त्यावेळी पाचंगे यांनी अधिक माहिती घेतली असता पीपीई किटचा दर २३५० रूपये इतका आकारण्यात आल्याची धक्कादायक माहिती समोर आली. त्यामुळे या प्रकरणी हाॅस्पिटल व संबधित मेडिकलवर गुन्हा दाखल करण्याची मागणी पालिका उपायुक्त केळकर आणि अन्न व औषध विभाग परिमंडळ एकच्या सहाय्यक आयुक्त माधुरी पवार यांची भेट घेत निवेदनाद्वारे पाचंगे यांनी केली होती. त्यानुसार एफडीएने मेडीकलची तपासणी केली असून सध्या सबंधित मेडिकल २ हजार रुपये दराचे पीपीई किट १२०० रुपये दराने विकत असल्याचे पाचंगे यांना एफडीएने दिलेल्या पञात नमूद केले आहे.

News English Summary: The corona patient was treated at Swastik Hospital in Ambikanagar area of Thane from June 11 to 17. Out of the total bill of this patient, Rs. 49,350 was charged for PPE kit. The relatives of the patient lodged a complaint with the district president of Maharashtra Navnirman Vidyarthi Sena, Sandeep Pachange.

News English Title: PPE kits will be available at half price as per FDA directives after MNS Sandeep Pachange complaint News Latest Updates.