इंदुरीकर महाराज भाजपकडून थेट काँग्रेस प्रदेशाध्यक्षांना भिडणार?

नगर: लोकसभा निवडणूकीनंतर आता सर्वत्र विधानसभा निवडणुकीचे वारे वाहू लागले आहेत. सर्वच पक्षांनी पक्षबांधणी, राजकीय दौरे, भेटीगाठी यांसारख्या राजकीय घडामोडींना उधाण आले आहेत. सर्वच पक्षांनी जनसंपर्क साधण्यासाठी वेगवेगळ्या यात्रांचे आयोजन केले आहे. याच पार्श्वभूमीवर भाजपची महाजनादेश यात्रा सुरु आहे. या यात्रेचा तिसरा टप्पा सुरु झाला आहे.

ही यात्रा सध्या अहमदनगर जिल्ह्यात आहे. या यात्रेच्या संगमनेर येथील सभेत किर्तनकार आणि समाजप्रबोधनकार निवृत्ती महाराज इंदुरीकर यांनी हजेरी लावली आहे. त्यामुळे संगमनेर विधानसभा मतदारसंघातून काँग्रेसचे प्रदेशाध्यक्ष बाळासाहेब थोरात यांच्याविरोधात इंदुरीकर महाराज यांना उमेदवारी दिली जाणार असल्याची चर्चा सुरु आली आहे.

Great to meet Indurikar Maharaj at #MahaJanadeshYatra public meeting in Sangamner.
We have a rich tradition of kirtan in our warkari sect for awareness in society on social issues.
My heartfelt thanks to him for contribution of ₹1,00,000 towards #CMReliefFund #MaharashtraFloods pic.twitter.com/jBza17Mott

— Devendra Fadnavis (@Dev_Fadnavis) September 13, 2019

भारतीय जनता पक्षाची महाजनादेश यात्रा काल नगर जिल्ह्यातील संगमनेरमध्ये होती. त्यावेळी व्यासपीठावर इंदुरीकर महाराज उपस्थित होते. तेव्हापासून या चर्चांना उधाण आलं आहे. इंदुरीकर महाराज यांनी व्यासपीठावर मुख्यमंत्री देवेंद्र फडणवीस यांच्याशी गुफ्तगू केली. त्यानंतर मोठ्या प्रमाणात चर्चा सुरु झाल्या. परंतु प्रसार माध्यमांनी इंदुरीकर महाराजांशी संपर्क साधला असता, त्यांनी ही चर्चा खासगी असल्याचं सांगितलं.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.