राज्यातील १९ लाख शेतकऱ्यांच्या खात्यात कर्जमाफीची रक्कम जमा

मुंबई, ०१ एप्रिल: कोरोना विषाणूचा वाढता प्रादुर्भाव रोखण्यासाठी सरकारकडून जोरदार प्रयत्न सुरु आहेत. अशातच संकटात सापडलेल्या राज्यातील शेतकऱ्याला सरकारकडून दिलासा मिळाला आहे. राज्यातील जवळपास १९ लाख शेतकऱ्यांच्या खात्यामध्ये कर्जमाफीची रक्कम जमा करण्यात आली असल्याची माहिती राज्याचे उपमुख्यमंत्री आणि अर्थमंत्री अजित पवार यांनी दिली आहे. अजित पवारांनी बुधवारी शेतकरी कर्जमाफीसंदर्भात ट्विट करत ही माहिती दिली.

कोरोना आपत्तीपूर्वी अजित पवार यांनी ११ हजार ४६८ कोटी रुपयांची कर्जमाफी शेतकऱ्यांच्या कर्जखात्यात जमा करण्यात आल्याचं स्पष्ट केलं होतं. १५ मार्च रोजी अजित पवार यांनी ट्विट करत माहिती दिली होती की, “महात्मा ज्योतिबा फुले शेतकरीfarmers कर्जमाफी योजनेंतर्गत शुक्रवार, दि. १३ मार्च २०२० पर्यंत राज्यातल्या १८ लाख २ हजार ४३ शेतकऱ्यांच्या खात्यात एकूण ११,४६८.३६ कोटी रुपयांची कर्जमाफी जमा करण्यात आली आहे”.

त्यानंतर राज्यातल्या १८ लाख ८९ हजार ५२८ शेतकऱ्यांच्या खात्यात ११ हजार ९६६ कोटी २१ लाख रुपयांची कर्जमाफी जमा करण्यात आली आहे अशी माहिती उपमुख्यमंत्री अजित पवार यांनी दिली आहे. जिल्हा सहकारी बँकांच्या माध्यमातून १० लाख ४० हजार ९३५ शेतकऱ्यांच्या खात्यात ५ हजार ४०७ कोटी १३ लाख, तर, व्यापारी बँकांच्या माध्यमातून ८ लाख ४८ हजार ५९३ शेतकऱ्यांच्या खात्यात ६ हजार ५५९ कोटी ८० हजार रुपये जमा करण्यात आले आहेत असंही अजित पवार यांनी सांगितले आहे.

महात्मा जोतिबा फुले शेतकरी कर्जमाफी योजनेंतर्गत मंगळवार, दि. ३१ मार्च २०२० पर्यंत राज्यातल्या १८ लाख ८९ हजार ५२८ शेतकऱ्यांच्या खात्यात एकूण ११९६६.२१ कोटी रुपयांची कर्जमाफी जमा करण्यात आली आहे.

— Ajit Pawar (@AjitPawarSpeaks) April 1, 2020

News English Summary: Government is working hard to prevent the spread of the corona virus. Similarly, the farmers in the troubled state have received comfort from the government. According to Deputy Chief Minister and Finance Minister Ajit Pawar, loan waiver amount has been deposited in the accounts of around 9 lakh farmers in the state. Ajit Pawar tweeted this on Wednesday in a tweet about farmers’ loan waiver.

News English Title: Story Ajit Pawar says debt waiver amount deposited in the accounts of 19 Lakh farmers News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.