बापरे! त्यांचा ५ लांब पल्ल्यांच्या ट्रेनने प्रवास: पोलीस व रेल्वे प्रशासन सगळ्यांच्या डोक्याला ताप

मुंबई, ०१ एप्रिल: निजामुद्दीनमधील तबलिग जमात मरकजच्या मौलानावर पोलिसांनी गुन्हा दाखल केला. सरकारच्या आदेशांचं उल्लंघन करून मोठ्या प्रमाणावर धार्मिक कार्यक्रम आयोजित केल्याचा आरोप त्यांच्यावर ठेवण्यात आला आहे. करोना व्हायरसच्या पार्श्वभूमीवर सरकारने जमावबंदीचे आदेश देऊनही आणि सोशल डिस्टन्सिंगच्या सूचना असतानाही त्या न पाळल्याचा मौलानांवर आरोप आहे.

दिल्लीतील निझामुद्दीन तबलिगी मर्कझ येथील धार्मिक कार्यक्रमात पुण्यातील १३० हून अधिक लोक उपस्थित होते, आतापर्यंत यातल्या ६० लोकांना शोधून विलगीकरणात ठेवण्यात आलं आहे, अशी माहिती पुण्याचे जिल्हाधिकारी नवल किशोर राम यांनी दिली आहे. धार्मिक कार्यक्रमात उपस्थित राहिलेल्या १३० पुण्यातील लोकांचा शोध घेतला जात आहे त्यातले अनेक लोक हे सध्या पुण्यात नाही किंवा त्यांचा शोध लागत नाही अशीही माहिती त्यांनी एएनआय या वृत्तसंस्थेशी बोलताना दिली आहे. तसेच दिल्ली पोलिसांनी देखील या संस्थेच्या पदाधिकाऱ्यांना नोटीस दिली होती तरी त्यांनी मोठ्याप्रमाणावर लोकांना जमवलं होतं हे देखील व्हिडिओत उघड झालं आहे.

मात्र त्यानंतर अजून एक धक्कादायक माहिती समोर आली आहे. निझामुद्दीनच्या मरकझमध्ये सहभागी झालेल्या हजारो लोकांनी ५ लांब पल्ल्यांच्या ट्रेनने प्रवास केला आहे. आता भारतीय रेल्वेने या पाच एक्स्प्रेस गाड्यांमधील प्रवाशांचा शोध घेण्याचे काम सुरू केले आहे. करोनाचा वाढता प्रसार रोखण्याच्या दृष्टीने रेल्वेने उचललेले पाऊल अत्यंत महत्वाचे मानले जात आहे.

तबलीघी जमात मरकझमधील लोकांनी प्रवास केलेल्या या ५ गाड्या १३ मार्च ते १९ मार्च या कालावधीत रवाना झाल्या आहेत. या गाड्यांमध्ये आंध्र प्रदेशात जाणारी दुरंतो एक्स्प्रेस, चेन्नईपर्यंत जाणारी ग्रँड ट्रंक एक्स्प्रेस आणि तामिळनाडू एक्स्प्रेस, नवी दिल्ली-रांची राजधानी एक्स्प्रेस आणि एपी संपर्क क्रांती एक्स्प्रेस या गाड्यांचा समावेश आहे.

News English Summary: Thousands of people have participated in the Nizamuddin’s Merkaz journey by 5 long stretches of trains. Now Indian Railways has started the task of finding passengers in these five express trains. The steps taken by the railways are considered to be very important in preventing the increasing spread of corona. These 5 trains traveling by the people of Merkaz from the Tablighi tribe depart from March 13 to March 19. These trains include Duronto Express, which runs to Andhra Pradesh, the Grand Trunk Express to Chennai and the Tamil Nadu Express, New Delhi-Ranchi Rajdhani Express and the AP Sankranti Kranti Express.

News English Title: Story Corona Virus in India passengers of 5 trains under watch after Tablighi Jamaat moved from them News latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.