देशात गेल्या २४ तासात कोरोनाचे १६,९२२ नवे रुग्ण, तर ४१८ रुग्णांचा मृत्यू

नवी दिल्ली, २५ जून : देशात कोरोना रुग्णांची संख्या सतत वाढते आहे. गेल्या 24 तासातील नव्या कोरोनाबाधितांचा आकडा 17 हजारांच्या जवळपास गेला आहे. एका दिवसांतील हा सर्वाधिक आकडा आहे. गेल्या 24 तासात 418 रुग्णांचा मृत्यू झाला आहे. देशात एकूण कोरोनाबाधितांची संख्या 4,73,105 इतकी झाली आहे.

गुरुवारी आरोग्य मंत्रालयाकडून जाहीर करण्यात आलेल्या आकडेवारीनुसार, गेल्या 24 तासात देशात 16,922 कोरोनाचे नवे रुग्ण सापडले आहेत. सध्या देशात 1,86,514 ऍक्टिव्ह रुग्ण असून त्यांच्यावर उपचार सुरु आहेत. तर आतापर्यंत 2,71,697 लोक कोरोनातून बरे झाले आहेत. देशात आतापर्यंत 14,894 लोकांचा कोरोनामुळे मृत्यू झाला आहे.

418 deaths and highest single-day spike of 16,922 new #COVID19 positive cases reported in India in last 24 hours.

Positive cases in India stand at 4,73,105 including 1,86,514 active cases, 2,71,697 cured/discharged/migrated & 14,894 deaths: Ministry of Health & Family Welfare pic.twitter.com/Zp3hza8Anb

— ANI (@ANI) June 25, 2020

दरम्यान, भीतीचे वातावरण निर्माण करणाऱ्या कोरोनामुळे जगभरात आतापर्यत 485,122 हून अधिक लोकांना आपला जीव गमवावा लागला आहे. तर तब्बल 95 लाख लोकांना त्याचा संसर्ग झाल्याची माहिती मिळत आहे. कोरोना व्हायरसवर नियंत्रण मिळवण्यासाठी जगभरात संशोधन सुरू आहे. जगभरात कोरोनाने थैमान घातलेले असताना आणखी एक चिंताजनक माहिती समोर आली आहे.

येत्या ७ दिवसांत म्हणजेच पुढच्या आठवड्यात कोरोनाग्रस्तांचा आकडा हा तब्बल १ कोटींवर पोहोचणार असल्याची माहिती जागतिक आरोग्य संघटनेनं दिली आहे. WHO ने हा गंभीर इशारा दिला आहे. जागतिक आरोग्य संघटनेचे महासंचालक टेडरॉस अधनॉम यांनी पुढच्या आठवड्यात कोरोनाची लागण झालेल्यांची संख्या एक कोटींवर पोहोचू शकते असं म्हटलं आहे.

News English Summary: The number of corona patients in the country is constantly increasing. The number of new coronaviruses in the last 24 hours has gone up to nearly 17,000. This is the highest number in a single day. 418 patients have died in the last 24 hours.

News English Title: The number of new corona viruses in the last 24 hours has gone up to nearly 17 000 News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.