कृषी कायद्याविरोधात काॅंग्रेसचा मोर्चा | तोही राज्यमंत्री बच्चू कडू यांच्या नेतृत्वात

अमरावती, २१ जानेवारी: नव्या कृषी कायद्यांविरोधात जवळपास दोन महिन्यांपासून दिल्लीच्या वेशींवर ठाण मांडलेल्या शेतकऱ्यांच्या आंदोलनामुळे केंद्र सरकारने अखेर एक पाऊल मागे घेतले. याबाबत स्वतंत्र समिती नेमून तोडगा निघेपर्यंत तिन्ही कायद्यांना दीड वर्षांसाठी स्थगिती देण्याचा प्रस्ताव केंद्र सरकारने बुधवारी शेतकरी संघटनांसमोर ठेवला. तसे प्रतिज्ञापत्रही सर्वोच्च न्यायालयात सादर करण्याची तयारी केंद्राने दर्शवली. या प्रस्तावावर गांभीर्याने विचार करणार असल्याचे शेतकरी नेत्यांनी सांगितले.

याच पार्श्वभूमीवर शेतकरी कायद्या विरोधात मध्य प्रदेश काँग्रेस महाराष्ट्राचे राज्यमंत्री ओमप्रकाश ऊर्फ बच्चु कडू यांच्या नेतृत्वाखाली मोर्चा निघणार आहे. शुक्रवारी 22 जानेवारी रोजी सकाळी 11 वाजता मध्य प्रदेशातील पांढुर्णा येथे हा मोर्चा निघणार आहे. या मोर्चात युवक काँंग्रेसचे अध्यक्ष आ.निलेश ऊईके यांच्यासह शेकडो काँंग्रेसचे पदाधिकारी व इतर संघटना सहभागी होणार आहेत.

उद्या मध्य प्रदेश कॉग्रेसच्या पांढुर्णा येथील शेतकरी आंदोलनास उपस्थिती… pic.twitter.com/qRxavojR28

— BACCHU KADU (@RealBacchuKadu) January 21, 2021

राजकीय इतिहासात पहिल्यांदाच एखाद्या पक्षाच्या मोर्चाचे नेतृत्व शेतकरी आणि कष्टकरी वर्गासाठी झटणारी प्रहार संघटना आणि त्याचं नेतृत्व करणारे महाराष्ट्राचे एक राज्यमंत्री आहेत. दरम्यान, बच्चु कडू यांच्या आक्रमक शैलीने मध्य प्रदेशवासियांच्या मनात सुद्धा स्थान मिळविलं आहे. त्यामुळं या मोर्चाकडं केवळ मध्यप्रदेशच नाही तर महाराष्ट्राचं सुद्धा लक्ष लागलं आहे.

News English Summary: Madhya Pradesh Congress will march against the farmers’ law under the leadership of Maharashtra’s Minister of State Omprakash alias Bachchu Kadu. The march will start at 11 am on Friday, January 22 at Pandhurna in Madhya Pradesh. Hundreds of Congress office bearers and other organisations, including Youth Congress President MLA Nilesh Uikey, will participate in the march.

News English Title: Minister Bacchu Kadu will leader the march organised by Madhya Pradesh congress against farm laws news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.