Big Breaking | 2024 च्या लोकसभा निवडणुकीचे निकाल धक्कादायक असतील, ही निवडणूक अनेकांना आश्चर्यचकित करेल - राहुल गांधी
Highlights:
- Big Breaking
- भारतातील सर्व्हेत कल काँग्रेस आणि राहुल गांधींच्या बाजूने झुकतोय
- वॉशिंग्टनमधील नॅशनल प्रेस क्लबमध्ये माध्यमांशी संवाद :
- लोकसभेच्या सदस्यत्वावर गेल्यास मलाच फायदा होईल
- ‘मला मरण्याची भीती नाही, मी आजी-वडिलांकडून शिकलो’
Big Breaking | काँग्रेस नेते राहुल गांधी सध्या अमेरिकेच्या दौऱ्यावर आहेत. राहुल गांधी म्हणतात की, 2024 च्या लोकसभा निवडणुकीचे निकाल धक्कादायक असतील. ‘विरोधक एकवटले असून पुढील वर्षी होणाऱ्या सार्वत्रिक निवडणुकीत आम्ही भाजपला सत्तेतून हाकलून लावू,’ असे दहा दिवसांच्या अमेरिका दौऱ्यावर आलेले काँग्रेस नेते म्हणाले.
भारतातील सर्व्हेत कल काँग्रेस आणि राहुल गांधींच्या बाजूने झुकतोय
विशेष म्हणजे सध्या भारतात हिंदी पट्ट्यातील प्रमुख राज्यांमधून देखील सर्व्हेत भाजपचा दारुण पराभव होईल असे संकेत मिळत आहेत. त्यानंतर आज अमेरिकेत पत्रकारांशी बोलताना राहुल गांधी यांनी आत्मविश्वासाने केलेलं हे वक्तव्य भाजपाची चिंता वाढवणारं आहे. विशेष म्हणजे राहुल गांधी अशी वक्तव्य अंदाजातून नव्हे तर काही रिपोर्ट आणि आत्मविश्वासातून करतात हा त्यांचा इतिहास राहिला आहे. आगामी राजस्थान आणि छत्तीसगड मध्ये काँग्रेस सत्ता राखेल तर मध्य प्रदेश, तेलंगणा आणि इतर राज्यात भाजपाची सत्ता येईल असे संकेत मिळत आहेत.
वॉशिंग्टनमधील नॅशनल प्रेस क्लबमध्ये माध्यमांशी संवाद :
वॉशिंग्टनमधील नॅशनल प्रेस क्लबमध्ये माध्यमांशी बोलताना राहुल गांधी यांनी ही माहिती दिली. पुढील निवडणुकीत काँग्रेस चांगली कामगिरी करेल, असा विश्वास त्यांनी व्यक्त केला. ही निवडणूक जनतेला आश्चर्यचकित करेल, असे मला वाटते. तुम्ही गणित करा. एकजुटीने विरोधी पक्ष भाजपचा पराभव करेल. देशातील सार्वत्रिक निवडणुकांना अवघे एक वर्ष शिल्लक असताना राहुल गांधी यांचा हा अंदाज महत्त्वाचा मानला जात आहे.
राहुल गांधी पुढे म्हणाले, ‘विरोधक चांगलेच एकवटले आहेत. आम्ही सर्व विरोधी पक्षांशी चर्चा करत आहोत. मला वाटते की ऐक्याबद्दल चांगली चर्चा आहे. मात्र, हे थोडे गुंतागुंतीचेही आहे, कारण अनेक ठिकाणी विरोधकांच्या त्या मित्रपक्षांशी आमची स्पर्धा आहे, जे एकत्र आणण्याचा प्रयत्न करत आहेत. त्यामुळे निवडणुकीत कुठे तरी पाठिंबा घ्यायचा असेल तर कुठेतरी द्यावाच लागेल. 2024 च्या सार्वत्रिक निवडणुकीत विरोधकांची महाआघाडी होईल, असा विश्वास राहुल गांधी यांनी व्यक्त केला. यासोबतच राहुल गांधी म्हणाले की, सरकारने सर्व संस्था ताब्यात घेतल्या आहेत, ज्या केवळ विरोधकांविरोधात काम करतात.
लोकसभेच्या सदस्यत्वावर गेल्यास मलाच फायदा होईल
लोकसभेचे सदस्यत्व गमावण्याबाबतही त्यांनी मोकळेपणाने भाष्य केले. राहुल गांधी म्हणाले की, लोकसभेच्या सदस्यत्वावर गेल्यास मलाच फायदा होईल. “हे मला स्वत: ला बदलण्यास मदत करेल. मला वाटते की त्यांनी मला एक भेट दिली आहे. त्यांना माहित नाही, पण त्यांनी तेच केले आहे. भारत जोडो यात्रेचा उल्लेख करताना राहुल गांधी म्हणाले की, मला जम्मू-काश्मीरमध्ये जाण्यापासून रोखण्यात आले आणि तेथे माझी हत्याही होऊ शकते असे इशारे देखील देण्यात आले होते.
‘मला मरण्याची भीती नाही, मी आजी-वडिलांकडून शिकलो’
राहुल गांधी म्हणाले की, मी मरायला घाबरत नाही. एक ना एक दिवस सगळे मरतील. हे मी माझ्या आजी आणि वडिलांकडून शिकलो. एखाद्याला ते हवे आहे म्हणून आपण मागे हटू शकत नाही. कर्नाटक विधानसभा निवडणुकीच्या निकालानंतर राहुल गांधी दहा दिवसांच्या अमेरिका दौऱ्यावर आहेत. या महिन्याच्या अखेरीस पंतप्रधान नरेंद्र मोदी देखील अमेरिकेच्या दौऱ्यावर जाणार आहेत.
News Title : 2024 Loksabha ELection Result will be shocking for Modi Govt check details on 02 June 2023.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- IndiGo Share Price | एक अपडेट आली आणि इंडिगो शेअर्स तेजीत, अल्पावधीत 32% परतावा दिला, संधीचा फायदा घ्या
- Old Vs New Tax Regime | पगारदारांनो! जुन्या टॅक्स प्रणालीतून नव्या टॅक्स प्रणालीकडे कोणी जावे? डिक्लेरेशन पूर्वीच समजून घ्या
- Bank Account Alert | महाराष्ट्रातील या बँकेत तुमचं खातं आहे? आता पैसे काढू शकणार नाही, RBI ने बंदी घातली
- Stocks To Buy | गुंतवणुकीसाठी टॉप 5 शेअर्स सेव्ह करा, अल्पावधीत 43 टक्क्यांपर्यंत परतावा मिळेल
- Numerology Horoscope | 26 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल
- Man Industries Share Price | मालामाल करणारा शेअर! एका वर्षात 350 टक्के परतावा, पुढेही जोरदार कमाई होईल
- Penny Stocks | गरिबांना सुद्धा खरेदीला परवडतील हे 10 पेनी शेअर्स, अप्पर सर्किट हीट गतीने पैसा वाढतोय
- Adani Enterprises Share Price | अदानी एंटरप्रायझेसचे शेअर्स फोकसमध्ये, कंपनीबाबत मोठी अपडेट, फायदा होणार?
- Numerology Horoscope | 24 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल
- HUDCO Share Price | PSU शेअर खरेदीला गर्दी, 1 वर्षात 369% परतावा दिला, तर 1 दिवसात 15% परतावा