देशात कोरोनाचा कहर थांबेना; २४ तासांत १२६ जणांचा मृत्यू

नवी दिल्ली, ६ मे : देशात कोरोनाग्रस्तांची संख्या ५० हजारांचा टप्पा गाठण्याच्या तयारीत आहे. देशातील सतत वाढणारी कोरोनाबाधितांची संख्या देशाची चिंता वाढवणारी आहे. देशात कोरोनाग्रस्तांची संख्या ४९ हजार ३९१ वर पोहचली आहे. आतापर्यंत देशात १६९६ लोकांचा मृत्यू झाला आहे. तर १४ हजार १८३ लोक कोरोनातून मुक्त झाले आहेत.

Total number of #COVID19 positive cases in India rises to 49,391 including 33,514 active cases, 1694 deaths, 14,182 cured/discharged and 1 migrated: Ministry of Health and Family Welfare pic.twitter.com/LsL0gDYZ2D

— ANI (@ANI) May 6, 2020

गेल्या २४ तासांत देशात कोरोना रुग्णांच्या संख्येत मोठी वाढ झाली आहे. देशात २ हजार ९५८ नवे रुग्ण आढळले आहेत. तर १२६ जणांचा मृत्यू झाला आहे. रुग्णांची संख्या वाढत असताना दुसरीकडे कोरोनाचा रिकव्हरी रेट वाढला असून तो २८.७१ वर पोहचला आहे.

कोरोना रुग्णांची संख्या सातत्याने वाढत असल्याने समूह संसर्ग सुरू झाला आहे का? या प्रश्नावर केंद्रीय आरोग्य सहसचिव लव अगरवाल यांनी कोणतेही भाष्य केले नाही. मात्र करोनाबाधितांच्या संपर्कात आलेल्या प्रत्येक व्यक्तीला शोधून काढले पाहिजे. प्रतिबंधित भाग आणि अन्य ठिकाणीही श्वसनाच्या गंभीर आजाराची लक्षणे व्यक्तींमध्ये दिसत आहेत का, यावर देखरेख ठेवली पाहिजे, असे अगरवाल यांनी सांगितले.

News English Summary: The number of corona victims in the country is about to reach 50,000. The ever-increasing number of corona sufferers in the country is raising concerns in the country. The number of corona victims in the country has reached 49 thousand 391. So far 1694 people have died in the country. 14 thousand 183 people have been freed from Corona.

News English Title: Story corona virus 2958 new cases and 126 people died in last 24 hours in India News Latest Updates.