धक्कादायक! कोरोना रुग्ण संख्येच्या यादीत भारत चौथ्या स्थानावर

नवी दिल्ली, १२ जून: कोरोना व्हायरसने भारतात हाहाकार माजवला आहे. देशातील कोरोनाबाधितांची संख्या तीन लाखांच्या उंबरठ्यावर पोहोचली आहे. आज सकाळी ९ वाजता आलेल्या आकडेवारीनुसार, गेल्या २४ तासांत भारतात तब्बल १० हजार ९५६ नव्या रुग्णांची नोंद झाली आहे. या वाढीसह देशातील एकूण कोरोनाबाधितांची संख्या २ लाख ९७ हजार ५३५ वर पोहोचली आहे. तर काल गेल्या २४ तासांत ३९६ जणांनी कोरोनामुळे आपला जीव गमावला. त्यामुळे देशातील कोरोनाबळींची संख्या ८ हजार ४९८ इतकी झाली आहे.

देशात कोरोनाबाधितांच्या संख्येत रोजच विक्रमी वाढ होताना दिसत आहे. देशात गेल्या २४ तासांत जवळपास ११ हजार नवे रुग्ण सापडले, तर जवळपास ४०० जणांचा मृत्यू झाला आहे. देशातील एकूण कोरोना रुग्णांची संख्या आता ३ लाखच्या जवळ जाऊन पोहोचली आहे आणि याबरोबरच भारत जगातला चौथा सर्वात मोठा कोरोना व्हायरस प्रभावित देश बनला आहे.

• अमेरिका – 20 लाख रुग्ण
• ब्राझील – 8 लाख रुग्ण
• रशिया – 5 लाख रुग्ण
• भारत – 2.97 लाख रुग्ण
• इंग्लंड – 2.92 लाख रुग्ण

News English Summary: In the last 24 hours, about 11,000 new patients have been found in the country, while about 400 people have died. The total number of corona patients in the country has now reached close to 3 lakh and with this India has become the fourth largest corona virus affected country in the world.

News English Title: CoronaVirus Marathi News corona virus cases in India comparatively UK America Brazil News latest updates.