VIDEO | वेगात खांबाला धडकला आणि घोडेस्वारीची हौस पडली महागात

मुंबई, १२ जून | जगभरातील प्रत्येक व्यक्तीला काहीतरी आवड किंवा हौस असते. मात्र, काही गोष्टी अशा असतात, ज्या सर्वांनाच कराव्या वाटतात. यातीलच एक उदाहरण म्हणजे घोडेस्वारी. संधी मिळताच प्रत्येक व्यक्ती घोडेस्वारीची आपली हौस पूर्ण करून घेतो. मात्र, घोडेस्वारी हा लहान मुलांचा खेळ नाही, हेदेखील तितकंच खरं. सध्या सोशल मीडियावर व्हायरल होणार एक व्हिडिओ पाहून तुम्हीदेखील घोडेस्वारी करण्याआधी विचार कराल.

सोशल मीडियावर व्हायरल होत असलेल्या या व्हिडिओमध्ये पाहायला मिळतं, की एक घोडेस्वार जोरात आपल्या घोड्याला पळवत असतो. त्याच्या बाजूनं दुचाकीवरही काही लोक चाललेले दिसतात. हा मुलगा घोड्याला पळवण्यात इतका रमून जातो की समोर आलेला खांबही त्याला दिसत नाही. याचा खांबाला घोडा धडकतो आणि घोड्यावर बसलेला मुलगा जोरात खाली पडतो.

हा व्हिडीओ 4 जून रोजी राणा अमरप्रताप या व्यक्तीने शेअर केला. तेव्हापासून हा व्हिडीओ वाऱ्याच्या वेगाने व्हायरल होत असून आतापर्यंत तीन लाखाहून अधिकजणांनी हा व्हिडीओ पाहिला आहे. तसेच 89 हजार जणांनी हा व्हिडीओ लाइक केला असून 600 हून अधिक जणांनी कमेंट देखील केली आहे. अनेकांनी व्हिडीओ शेअर देखील केला आहे.

News Title: Social media video of Horse Riding Boy Collides With Pole goes Viral news updates.