29 March 2024 12:19 PM
अँप डाउनलोड
बातम्या फ्लॅश
NHPC Share Price | टेक्निकल चार्टवर NHPC शेअर कोणते संकेत देतोय, सकारात्मक उपडेटनंतर तज्ज्ञांनी काय सल्ला दिला? L&T Share Price | भरवशाचा L&T शेअर दैनिक चार्टवर ट्रेंड लाइन ब्रेकआउट देत आहे, तज्ज्ञांनी काय सल्ला दिला? Adani Port Share Price | अदानी पोर्ट्स स्टॉकबाबत तज्ञ उत्साही, नवीन टार्गेट प्राइस जाहीर, किती परतावा मिळणार? Bonus Share News | सुवर्ण संधी! ही कंपनी फ्री बोनस शेअर्स देणार, वेळीच एन्ट्री घेऊन फायदा घेणार? IFCI Share Price | शेअरची किंमत 39 रुपये! IFCI शेअर चार्ट पॅटर्नमध्ये सकारात्मक वाढीचे संकेत, यापूर्वी 350% परतावा दिला Infosys Share Price | इन्फोसिस शेअरला या प्राईसवर मजबूत सपोर्ट, या पातळीवर टिकल्यास अल्पावधीत उच्चांक किंमत स्पर्श करणार Mutual Fund SIP | मार्ग श्रीमंतीचा! या 10 म्युच्युअल फंड SIP दरवर्षी 40% ते 71% परतावा देतं आहेत, सेव्ह करा यादी
x

परमबीर सिंहांच्या पत्नी 5 कंपन्यांमध्ये डायरेक्टर | TRP प्रकरणानंतर LIC हाउसिंगच्या बोर्डवरुन हटवलं

Mumbai, Police commissioner, Parambir Singh wife

मुंबई, २६ मार्च: मुंबईचे माजी पोलिस आयुक्त आणि नुकतीच सचिन वाझे प्रकरणावरून उचलबांगडी झालेले परमबीर सिंग यांचे भाजपच्या नेत्यांशी असलेले नाते संबंध देखील समोर येऊ लागले आहेत. त्यामुळे पुन्हा अनिल देशमुखांना लक्ष करणाऱ्या भाजपवर अजून टीका सुरु झाली आहे.

गृहमंत्री अनिल देशमुख यांच्यावर पत्राद्वारे केलेल्या आरोपामुळे राज्यात आणि देशभरात वृत्त झळकू लागल्याने विरोधक आक्रमक झाले. मात्र आता त्यांचे देखील याच पोलीस अधिकाऱ्यांशी असलेले संबंध हळूहळू उघड होऊ लागले आहेत. त्यामुळे सध्या शिवसेनेबद्दल युती काळातील उजाळा देताना फडणवीसांनी आरोप केला होता की शिवसेनेने मी मुख्यमंत्री असताना सचिन वाझे यांना पुन्हा पोलीस खात्यात घेण्यासाठी माझ्याकडे आग्रह केला होता. त्यातून त्यांनी शिवसेनेला लक्ष करताना परमबीर सिंग यांच्या समितीकडे दुर्लक्ष केलं होतं, हे मात्र ते जोर देऊन सांगण्यास विसरले होते का असा प्रश्न उपस्थित होऊ लागला आहे.

दरम्यान, परमबीर सिंह यांच्या पत्नी सविता सिंह 5 कंपन्यांमध्ये डायरेक्टर असल्याची माहिती मिळाली आहे. मात्र, गेल्या वर्षी TRP प्रकरणात परमबीर सिंहांच्या कारवाईनंतर LIC हाऊसिंगने जबरदस्तीने त्यांच्याकडून बोर्डवरुन राजीनामा घेतला होता.

परमबीर सिंह यांच्या पत्नी सविता सिंह एक मोठ्या कॉर्पोरेट प्लेअर आहेत. सविता इंडिया बुल्स ग्रुपच्या 2 कंपन्यांमध्ये डायरेक्टर आहे. त्या अ‍ॅडव्होकेट फर्म खेतान अँड कंपनीच्या भागीदार आहे. सविता कॉम्प्लेक्स रिअर एस्टेट ट्रांजेक्शन आणि वादांसाठी आपल्या ग्राहकांना सल्ला देतात. त्या ट्रस्ट डीड, रिलीज डीड आणि गिफ्ट डीडबाबत सल्ला देतात. त्याच्या ग्राहकांमध्ये मालक, खरेदीदार, डेव्हलपर्स, कॉर्पोरेट घरे, देशांतर्गत गुंतवणूकदार आणि परदेशी गुंतवणूकदार यांचा समावेश आहे.

हरियाणा मधून पीजी आणि मुंबईहून लॉ केले:
सविता सिंह यांनी हरियाणाच्या कुरुक्षेत्र विद्यापीठातून पदव्युत्तर शिक्षण घेतले आहे. यानंतर त्यांनी मुंबई येथून लॉ मध्ये पदवी घेतली. 28 मार्च 2018 रोजी त्या इंडिया बुल्स प्रॉपर्टीच्या संचालक बनल्या. 17 ऑक्टोबर 2017 रोजी येस ट्रस्टीमध्ये डायरेक्टर देखील बनल्या. त्या इंडिया बुल्स असेट रीकन्स्ट्रक्शन कंपनीत डायरेक्टर देखील आहेत. सोरिल इन्फ्रा येथे डायरेक्टर होत्या. सोरिल इंडिया ही बुल्सचीच कंपनी आहे. ती खेतानकडून वर्षाकाठी 2 कोटींपेक्षा जास्त पैसे कमवतात असे म्हटले जाते.

राष्ट्रवादी कॉंग्रेसचे प्रवक्ते नवाब मलिक यांनी नुकतेच सांगितले की वेळ येताच आपण मोठा स्फोट घडवून आणू. ते म्हणाले की परमबीर सिंह दिल्लीत कुणाला भेटले आणि काय बोलणे झाले, याचा खुलासा ते योग्य वेळी करतील. आता परमबीर सिंह हे भाजपचे जवळचे असल्याचे वृत्त आहे.

कंपनीमध्ये 4 IPS च्या पत्नी डायरेक्टर:
दुसरीकडे 4 आयपीएस अधिकाऱ्यांच्या बायका श्रेयस मॅनेजमेंटमध्ये संचालक आहेत. यामध्ये मेघा विवेक फणसाळकर, सविता परमबीर सिंह, सरुचि देवेन भारती आणि मनीषा सदानंद दाते यांचा समावेश आहे. ही कंपनी पोलिस विभागासाठी काम करते. मेघा ठाणे पोलिस आयुक्त विवेक फणसाळकर यांच्या पत्नी आहेत. 5 फेब्रुवारी 2014 रोजी त्या डायरेक्टर बनल्या होत्या. तिसार रूरल हँडीक्राफ्टमध्येही त्या डायरेक्टर आहेत. मैत्रेयी विवेक फणसाळकर याच कंपनीत डायरेक्टर आहेत. मायक्रो असोसिएट्स कन्सल्टन्सीमध्येही त्या संचालक आहेत.

सूत्रांच्या माहितीनुसार आता हे संपूर्ण प्रकरण राजकीय ठरणार आहे. यात राष्ट्रवादी आणि भाजप पुढे येत आहेत. भाजपला घेरण्यासाठी देवेन भारती यांची चौकशी होऊ शकते. खरेतर, भारतीय जनता पक्षाच्या सरकारच्या काळात जे IPS आघाडीवर होते ते सर्व सध्या केंद्र सरकारमध्ये आहेत. यामध्ये राष्ट्रीय सुरक्षा सल्लागार अजीत डोभाल यांच्यासह दत्ता पडसलगीकरही आहेत.

दत्ता भारतीय जनता पक्षाच्या सरकारच्या वेळी 2016 मध्ये मुंबईचे कमिश्नर होते. नंतर ते DGP बनले. 2019 मध्ये ते NSA मध्ये गेले. दत्ता यापूर्वीही इंटेलिजेंस ब्यूरो (आईबी) मध्ये राहिले आहेत. त्यानंतरपासून 3 अधिकारी सुबोध जायसवाल, रश्मी शुक्ला आणि मनोज शर्माही केंद्रात गेले आहेत.

परमबीर सिंह यांनी देवेन भारती यांची चौकशी थांबवली होती:
सरूचि अतिरिक्त पोलिस महासंचालक (ADG) देवेन भारती यांच्या पत्नी आहेत. 26 ऑगस्ट 2008 रोजी डायरेक्टर बनल्या होत्या. देवन भारती हेच अधिकारी आहेत ज्यांची चौकशी अत्यंत वरिष्ठ डीजी संजय पांडे यांनी केली होती. हा तपास परमबीर सिंग यांनी रोखला होता. तत्कालीन डीजी सुबोध जयस्वाल यांनीही तपास थांबवला होता. अपर गृह सचिवांनीही ही चौकशी थांबवली होती.

आपने देवेन भारतीविरोधात आपला मोर्चा सुरू केला आहे:
गेल्या 2 दिवसांपासून आम आदमी पक्षाने मुंबईत देवेन भारतीविरोधात आपला मोर्चा सुरू केला आहे. देवेन भारती यांचे बुकी आणि इतर चुकीच्या लोकांशी संबंध आहेत असा पक्षाचा आरोप आहे. असा आरोप करत पक्षाने एक व्हिडिओ प्रसिद्ध केला. तसेच, देवेन भारती यांनी मुंबई पोलिसात सहआयुक्त (जॉइंट सीपी – कायदा व सुव्यवस्था) म्हणून 4 वर्षाहून अधिक काळ काम केले. त्यावेळी भाजपची सत्ता होती.

भारती हे बराच काळ जॉइंट सीपी होते:
भारती हे या पदावर सर्वात प्रदीर्घ काळपर्यंत राहणारे अधिकारी आहेत. या पदावर 2 वर्षांपेक्षा जास्त काळ कोणीही पदावर राहिलेले नाही. नंतर त्यांची ATSमध्ये बदली झाली होती. महाविकास आघाडी सरकार आल्या नंतर देवेन भारती यांना ATS मधून काढून महाराष्ट्र राज्य सुरक्षामध्ये पाठवण्यात आले.

 

News English Summary: Parambir Singh’s relationship with BJP leaders, a former Mumbai police commissioner and recently ousted in the Sachin Vaze case, has also come to the fore. Therefore, the BJP has started criticising Anil Deshmukh again.

News English Title: Former Mumbai Police commissioner Parambir Singh wife business news updates.

हॅशटॅग्स

#MumbaiPolice(168)

संबंधित बातम्या

राहुन गेलेल्या बातम्या

x