महाराष्ट्रावर कोरोना रुग्ण संख्येवरून आरोप | पण गुजरातमध्येच होतोय कोरोना घोटाळा

गांधीनगर, २ नोव्हेंबर: गुजरातचे मुख्यमंत्री गुजरातमधील पोटनिवडणुकीच्या प्रचारात महाराष्ट्राला कोरोना स्थितीवरून लक्ष करत होते. गुजरातमध्ये प्रचारत मुख्यमंत्री विजय रुपानी म्हणाले होते की महाराष्ट्रात रस्त्याच्या कडेला कोरोना रुग्णांचे मृतदेह सापडतात. गुजरातमध्ये भाजपने कोरोना नियंत्रणात ठेवला, पण महाराष्ट्रात कोरोनामुळे स्थिती नियंत्रणाबाहेर गेली आहे असं मुख्यमंत्री थेट प्रचारातच म्हणाले होते.

मात्र गुजरातमध्ये कोरोना कसा नियंत्रणात आणला या मागील वास्तव सध्या समोर येऊ लागलं आहे. कारण गुजरातच्या राजकोट आणि जामनगरमध्ये कोरोनाचे रुग्ण कमी दाखविण्यासाठी मोठ्या प्रमाणावर कोरोनाग्रस्त रुग्णांचे रिपोर्ट पॉझिटिव्ह असले तरी देखील ते निगेटिव्ह दाखविण्याचा धक्कादायक प्रकार सुरु असल्याचं वृत्त आहे. गुजरात राज्य सरकारमधील आरोग्य विभागाचे अधिकारीच यात सामील असून त्यांनी पॉझिटिव्ह मोठ्या प्रमाणावर रुग्णांना निगेटिव्ह दाखविण्याची धमकी कर्मचाऱ्यांना दिल्याचं वृत्त दैनिक भास्करने दिलं आहे.

विशेष म्हणजे काही दिवसांपूर्वी Thyrocare Lab’च्या सीईओंनीच गुजरात सरकारांवर गंभीर आरोप केले होते. राज्य सरकारांची बदनामी होईल या भीतीने कोरोनाच्या रुग्णांची आकडेवारी लपविण्याचे कृत्य करण्यात येत असल्याचा गंभीर आरोप थायरोकेअर (Thyrocare) ने केले होते. याबाबत Thyrocare Technologies चे सीईओ वेलुमनी यांनी स्पष्ट सांगितले की, काही राज्यांनी थायरोकेअरला सूचना दिल्या आहेत की, कोरोनाच्या चाचण्या घेऊ नका. तर काही राज्यांनी कोरोना रुग्णांचे आकडे आयसीएमआरला देऊ नयेत किंवा त्यामध्ये हेराफेरी करावी, असे सांगितले आहे. गुजरातमधील हेराफेरीचे अधिकृत वृत्त दैनिक भास्करने प्रसिद्ध केलं आहे.

विशेष म्हणजे राजकोट आणि जामनगर भागातील रॅपिड अँटिजन किटद्वारे केलेले एकूण तीन लाख ५० हजार रेकॉर्ड तपासण्यात आली. यापैकी अनेक रुग्णांशी थेट फोनवर संपर्क साधून काही प्रश्न विचारण्यात आले. त्यानंतर सर्व धक्कादायक षडयंत्राच माध्यमांच्या समोर आलं आहे. राजकोट मनपा, राजकोटमधील गावे आणि जामनगर या ३ भागातील कोरोना पेशंटचे आकडे कमी दाखविण्यासाठी वेगवेगळे प्रकारच्या कुरापत्या करण्यात आल्या असं चौकशीत पुढे आलं आहे. महत्वाची आणि धक्कादायक गोष्ट म्हणजे यामध्ये पालिका आयुक्तांपासून आरोग्य खात्याचे महत्वाचे आणि वरिष्ठ पदावरील मोठमोठे अधिकारी थेट सहभागी असल्याचं वास्तव समोर आलं आहे.

दैनिक भास्करच्या सविस्तर वृत्तानुसार जिल्हा आरोग्य कचेरीच्या Email ID वरून जामनगरच्या सर्व हॉस्पिटल अधिकाऱ्यांना mail करण्यात आला होता. या मेलला अटॅच लिस्टसारखी अँटीजेन निगेटीव्हची नोंद करायची आहे. चुकूनही पॉझिटिव्ह म्हणून कोणाची नोंद होता नये असे थेट डिजिटल आदेश देण्यात आले होते. मेलमध्ये पाठविणाऱ्याचे नाव डॉ. बीपी मणवर असे लिहिण्यात आले होते. यामध्ये ९०० कोरोना रुग्णांचे नाव होते. राजकोट जिल्ह्यात तर तब्बल ५३२५ पॉझिटिव्ह रुग्णांचा आकडा ३७२० दाखवला असं वृत्तामध्ये म्हटलं आहे.

News English Summary: The real reality behind how Corona was brought under control in Gujarat is now coming to the fore. This is because in Rajkot and Jamnagar in Gujarat, even though the reports of a large number of corona patients are positive to show less corona patients, there is a shocking trend of showing negative corona. According to Dainik Bhaskar, only the officials of the health department in the Gujarat state government are involved in this and they have threatened the employees to show a large number of positive patients.

News English Title: Corona scam Prime Minister Narendra Modis state report came positive register negative News updates.