INDIA Vs NDA | भाजपच्या राजकीय 'राष्ट्रवादाला' आणखी एक आव्हान, 'इंडिया'ची टॅगलाईन असेल 'जीतेगा भारत'

INDIA Vs NDA | राष्ट्रवादाच्या मुद्द्यावर आक्रमकपणे राजकारण करणाऱ्या भारतीय जनता पक्षाला काँग्रेसप्रणित विरोधी पक्ष सातत्याने आव्हान देत आहे. विरोधकांच्या ऐक्याच्या दुसऱ्या बैठकीत नावाची घोषणा करण्यात आली. या आघाडीला ‘इंडियन नॅशनल डेमोक्रॅटिक इन्क्लुसिव्ह अलायन्स’ असे नाव देण्यात आले आहे. याला INDIA असेही म्हटले जाईल. आता बातमी येत आहे की, या आघाडीने आपली टॅगलाईन ‘जीतेगा भारत’ कायम ठेवण्याचा निर्णय घेतला आहे. पीटीआय या वृत्तसंस्थेने सूत्रांच्या हवाल्याने ही माहिती दिली आहे.

लोकसभा निवडणुकीची रणनीती ठरविण्यासाठी झालेल्या २६ विरोधी पक्षांच्या बैठकीत काँग्रेसचे नेते राहुल गांधी यांनी विरोधी पक्षांच्या नव्या आघाडीच्या ‘इंडिया’ या नावाचा उल्लेख करत आता ही लढाई भारत आणि मोदी सरकार यांच्यात असल्याचे म्हटले आहे. ‘इंडिया’ विरुद्ध कोणी उभं राहिलं तर विजेता कोण हे सगळ्यांनाच ठाऊक आहे. त्यानंतर राहुल यांनी ट्विट केले की, “भारत जुड़ेगा, इंडिया जीतेगा’.

जे इंडियाला विरोध करतात किंवा इंडिया विरुद्ध लढण्याचा प्रयत्न करतात त्यांचे काय होते हे सर्वांना माहित आहे, असेही राहुल गांधी म्हणाले. ही लढाई कोण जिंकणार यात मला जाण्याची गरज नाही. ही लढत इंडिया आणि भाजप यांच्यातील आहे.

चार तास चाललेल्या विरोधी पक्षांच्या दुसऱ्या चर्चेत सर्व काही सुरळीत पार पडल्याचे राहुल गांधी यांनी सांगितले. आम्ही (विरोधी पक्ष) भारतीय राज्यघटना, लोकांचा आवाज आणि आपल्या महान देशाच्या कल्पनेचे रक्षण करत आहोत. ही लढाई राजकारणाच्या विरुद्ध ध्रुवावर उभ्या असलेल्या दोन आघाडींमधील नसून सर्वसमावेशक भारताचे रक्षण करण्यासाठी आहे, असे ते म्हणाले.

‘Jeetega Bharat’ tagline for opposition parties’ alliance ‘INDIA’, say sources

— Press Trust of India (@PTI_News) July 19, 2023

कृती आराखडा तयार करणार विरोधक
काँग्रेसचे माजी अध्यक्ष राहुल गांधी यांनी इतर नेत्यांसमवेत संयुक्त पत्रकार परिषदेत सांगितले की, विरोधी पक्षांनी कृती आराखडा तयार करण्याचा निर्णय घेतला आहे, जिथे ते त्यांच्या विचारधारेबद्दल आणि कार्यक्रमांवर बोलतील. आम्ही एकत्र पुढे जाऊ आणि लोकांना आमची विचारधारा आणि देशासाठी काय करण्याची योजना आहे हे सांगू, असे ते म्हणाले.

News Title : Oppositions alliance INDIA Tagline will be Jeetega Bharat 19 July 2023.