गतिमान जाहिरातबाजी सरकार! ST महामंडळाच्या बस बाहेर शिंदे-फडणवीस-मोदींची मार्केटिंग जाहिरात, आतमध्ये प्रवासी छत्री उघडून
Shinde Fadnavis Govt | राज्य एसटी महामंडळाच्या बसवर शिंदे-फडणवीस सरकारची जाहिरात व्हायरल झाली होती. याप्रकरणी तीन कर्मचाऱ्यांना निलंबित करण्यात आले होते. मात्र नंतर ते निलंबन मागे घेण्यात आले होते. शिंदे-फडणवीस सरकारने ST बसेसच्या मूळ समस्या दूर करण्यापेक्षा या ST महामंडळाच्या बसेसवर स्वतःची आणि मोदींची जाहीरबाजी करण्यावर मोठा पैसा खर्च करण्याचा सपाटा लावला आहे.
मार्च महिन्यात दुरवस्था झालेल्या व अक्षरश: खिळखिळी झालेल्या महाराष्ट्र राज्य परिवहन महामंडळाच्या बसवर शिंदे-फडणवीस सरकारची जाहिरात व्हायरल झाली होती. याप्रकरणी तीन कर्मचाऱ्यांना निलंबित करण्यात आले होते. विरोधकांकडून व राज्यातील सर्व स्तरातून टीका होऊ लागल्यानंतर अखेर या कर्मचाऱ्यांचे निलंबन मागे घेण्यात आले होते. भूम एसटी डेपोतील तीन कर्मचाऱ्यांचे निलंबन माघार घेत अखेर त्यांना कामावर रुजू होण्याचे आदेश भूम डेपो व्यवस्थापनाने दिले होते. जाहिराती स्वतःच्या आणि कारवाई कर्मचाऱ्यांवर असा अजब प्रकार शिंदे-फडणवीस सरकारने केला होता.
मुख्यमंत्री शिंदे आणि उपमुख्यमंत्री फडणवीस यांची जाहिरात असलेली खराब बस रस्त्यावर वाहतुकीसाठी सोडल्याचे कारण देत या कर्मचाऱ्यांना निलंबित केलं होतं. खिडक्यांची व बसण्याची व्यवस्थाही नसलेल्या बसवर राज्य सरकारची जाहिरात असलेला एक फोटो व्हायरल झाला होता. या फोटोची दखल घेत विधानसभेत विरोधी पक्षनेते अजित पवार यांनी सरकार सडकून टीका केली होती.
मात्र मूळ समस्या सोडून जुनाट बसवर लावण्यात आलेल्या जाहिरातीसाठी एसटी कर्मचाऱ्यांना दोषी ठरवण्यात आलं आणि भूममधील तीन कर्मचाऱ्यांना निलंबित करण्यात आलं होतं. त्यानंतर अजित पवारांनी पुन्हा सरकारवर टीका करत सरकारची कृती म्हणजे आग सोमेश्वरी व बंब रामेश्वरी असा टोला लगावला होता. अजित पवार यांनी बसची दुरावस्था व त्यावर सरकारची जाहिरात याचे विदारक सत्य विधीमंडळात मांडल्यानंतर सरकारवर प्रचंड टीका झाली होती. दुरावस्था झालेल्या बसचा जाहिरातीसह फोटो सोशल मिडियावर व्हायरल झाला. या कारवाईनंतर कर्मचाऱ्यांमध्ये नाराजी पसरली होती.
आता बसच्या दुरवस्थेचा अजून व्हिडिओ व्हायरल होतोय. सध्या पाऊस सुरु होईल जेमतेम एक दिवस झाला आहे. तो सुद्धा तुरळक प्रमाणात. अजून रिमझिम पाऊस सुरु झालेला नाही. मात्र ज्या एसटी बसेसच्या बाहेरील बाजूवर शिंदे-फडणवीस सरकार स्वतःची जाहिरातबाजी करत आहे त्याच बसेसची आतील दुरावस्था दाखवणारे व्हिडिओ व्हायरल होऊ लागले आहेत. या एसटी बसमध्ये प्रवासी बसले आहेत आणि तिकिटाचे पैसे मोजूनही प्रवाशांना भलताच मनस्ताप सहन करावा लागतोय. कारण पाऊस सुरु झाल्याने प्रवाशांना एसटी बसमध्ये सुद्धा छत्री उघडून बसावं लागतंय, कारण बस मध्ये पावसाच्या पाण्याची गळती होतं आहे. त्यामुळे एसटी बसच्या बाहेरील जाहिरातींवरील पैसा शिंदे-फडणवीस सरकारने एसटी बसच्या आतील समस्या सोडविण्यास वापरला तर प्रवाशांच्या समस्या सुटली किंवा कमी होतील.
शिंदे भाजपा या गतिमान सरकार मध्ये आता एसटी बस मध्ये देखील छत्री उघडून बसावं लागतं किती हा विकास… pic.twitter.com/4Ri1Rppkxo
— Shilpa Bodkhe – प्रा.शिल्पा बोडखे (@BodkheShilpa) June 25, 2023
News Title : ST Mahamandal Buses leaked viral video check details on 25 June 2023.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Stocks To Buy | बँक FD किती वार्षिक व्याज देईल? पण या बँकेचा शेअर अल्पावधीत 35 टक्के परतावा देईल
- Mastek Share Price | 40 रुपयाच्या शेअरची कमाल! तब्बल 4000 टक्के परतावा दिला, आता एका दिवसात 20% वाढला
- Numerology Horoscope | 22 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा सोमवारचा दिवस कसा असेल
- Numerology Horoscope | 19 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल
- Jio Financial Services Share Price | जिओ फायनान्शियल शेअरमध्ये चढ-उतार, स्टॉक पुढे तेजीत वाढणार की घसरणार?
- Talbros Auto Share Price | टॅलब्रोस कंपनीची ओरडारबुक मजबूत होताच शेअर्स तेजीत, 2 दिवसात 10 टक्के परतावा
- Numerology Horoscope | 17 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल
- Infosys Share Price | भरवशाचा इन्फोसिस शेअर उसळी घेणार, दिग्गज ब्रोकिंग तज्ज्ञांकडून मोठी टार्गेट प्राईस जाहीर
- IPO GMP | लॉटरी लागेल पहिल्याच दिवशी, स्वस्त IPO आला, GMP चा धुमाकूळ, अशी संधी सोडू नका
- Stocks in Focus | मार्ग श्रीमंतीचा! हे टॉप 5 बँकिंग शेअर्स तुम्हाला अल्पावधीत 38 टक्केपर्यंत परतावा देतील, संधी सोडू नका