सर्वेक्षण: केजरीवाल सरकारच्या विकासकामांमुळे मोदी-शहांच्या भाजपचा सुपडा साफ होणार

नवी दिल्ली : बहुचर्चित दिल्ली विधानसभा निवडणुकीत सत्ताधारी आम आदमी पक्ष मुख्यमंत्री अरविंद केजरीवाल यांच्या नेतृत्वाखाली पुन्हा एकदा सत्ता मिळविणार हे सर्वेक्षणातून स्पष्ट झाले आहे. दिल्लीतील ७० जागांपैकी ५९ जागांवर आम आदमी पक्षाचा विजय होण्याची शक्यता वर्तविण्यात आली आहे.

‘सी व्होटर’ केलेल्या सर्वेक्षणात ‘आप’ला ५४ ते ६४ म्हणजे सरासरी ५९ जागा मिळण्याचा अंदाज वर्तविण्यात आला आहे. गेल्यावेळी मिळालेल्या जागांच्या तुलनेत यंदा कमी जागा मिळतील असा अंदाज आहे. तर, भारतीय जनता पक्षाला ३ ते १२, काँग्रेसला ० ते ६ अशा जागा मिळण्याचे सर्वेक्षणात म्हटले आहे. विधानसभेत सत्ता मिळविण्यासाठी 36 जागांची आवश्यकता आहे. काँग्रेस यंदा भोपळा फोडू शकते, असेही म्हटले आहे.

दरम्यान, “आम्ही जी विकासकामं केली आहेत, त्यावरच आम्ही मतं मागणार आहोत. जर आम्ही गेल्या ५ वर्षात तुमची कामं केली असं वाटत असेल तरच आम्हाला मत द्या. जर तुम्हाला वाटत असेल तरच आम्हाला सत्तेत पुन्हा येण्याची संधी मिळायला हवी”, निवडणुक आयोगाने तारखांची घोषणा केल्यानंतर केजरीवाल पत्रकार परिषदेत बोलत होते.

ये चुनाव काम पर होगा

— Arvind Kejriwal (@ArvindKejriwal) January 6, 2020

Web Title: Delhi Assembly Election 2020 AAP Party will get majority says Exit Poll.