ही लोकं काही काळ आमच्यासोबतही होती, त्यामुळे त्यांचा आवाका किती आहे हे आम्हाला ठाऊक आहे - अजित पवार

रायगड, ०६ जून | मराठा आरक्षणासाठी राज्य सरकारविरोधात एल्गार पुकारणारे माथाडी समाजाचे नेते नरेंद्र पाटील यांच्यावर उपमुख्यमंत्री अजित पवार यांनी कडाडून टीका केली आहे. काहीजण भावनेच्या आहारी जाऊन बोलतात. कायदा आणि संविधान बघत नाहीत. ही लोकं काही काळ आमच्यासोबत होती. त्यामुळे या नेत्यांचा आवाका किती आहे, हे आम्हाला ठाऊक आहे. त्यामुळे आम्ही त्यांच्या बोलण्याकडे दुर्लक्ष करतो, असे अजित पवार यांनी म्हटले.

ते रविवारी पुण्यात प्रसारमाध्यमांशी बोलत होते. यावेळी त्यांनी मराठा आरक्षणासाठी राज्य सरकार प्रयत्न करत असल्याचे सांगितले. कुठल्याही आरक्षणाला धक्का न लावता आरक्षण मिळालं पाहिजे यासाठी आम्ही प्रयत्न करतोय. आम्ही राज्यपालांना भेटलो आहोत, आता वरिष्ठांनाही भेटणार आहोत. कोर्टाने जे ग्राह्य धरलंय त्यानुसार साकल्याने विचार करू. माजी मुख्य न्यायाधीश दिलीप भोसले, आणि सदस्य यांचे मत घेतोय. लवकरच आम्ही यावर तोडगा काढू, असा विश्वास अजित पवार यांनी व्यक्त केला.

तसेच मी भाजपसोबत सत्ता स्थापन केल्याच्या घटनेला आता 14 महिने उलटले आहेत. तरीही चंद्रकांत पाटील जुन्या गोष्टी उकरुन काढत आहेत. ज्यांना काम नाही ते लोक नको त्या गोष्टी बोलतात. सध्याच्या घडीला कोरोना परिस्थितीकडे लक्ष देणे अधिक गरजेचे असल्याचे अजित पवार यांनी सांगितले.

News English Summary: Deputy Chief Minister Ajit Pawar has sharply criticized Mathadi community leader Narendra Patil for calling for an Elgar against the state government for Maratha reservation. Some go on an emotional diet and talk. Do not look at the law and the constitution. These people have been with us for some time. So we know the scope of these leaders. Therefore, we ignore his words, said Ajit Pawar.

News English Title: Deputy CM Ajit Pawar criticized BJP leader Narendra Patil over Maratha Morcha issue news updates.