Adani Power Share Price | अदानी पॉवर शेअर्समध्ये मजबूत तेजी, तज्ज्ञांचा महत्वाचा सल्ला, वेळीच फायदा घ्यावा का?

Adani Power Share Price | अदानी पॉवर कंपनीने नुकताच आपले तिमाही निकाल जाहीर केले आहेत. चालू आर्थिक वर्षाच्या सप्टेंबर तिमाहीत अदानी पॉवर कंपनीने नऊ पट वाढीसह 6,594 कोटी रुपये निव्वळ नफा कमावला आहे. अदानी पॉवर कंपनीच्या निव्वळ नफ्यात वाढ होण्याचे मुख्य कारण म्हणजे, वाढते उत्पन्न आणि कर आघाडीवर मिळालेला दिलासा यामुळे कंपनीच्या नफ्यात जबरदस्त वाढ पाहायला मिळाली आहे.

गुरुवारच्या ट्रेडिंग सेशनमध्ये अदानी पॉवर कंपनीचे शेअर्स 7.71 टक्के वाढीसह 393.15 रुपये किमतीवर ट्रेड करत होते. तर आज शुक्रवार दिनांक 3 नोव्हेंबर 2023 रोजी अदानी पॉवर स्टॉक 2.52 टक्के वाढीसह 382.35 रुपये किमतीवर ट्रेड करत आहे.

अदानी पॉवर कंपनीने गुरुवारी निवेदनात माहिती दिली आहे की, “चालू आर्थिक वर्षाच्या दुसऱ्या तिमाहीत अदानी पॉवर कंपनीने 848 टक्क्यांच्या वाढीसह 6594 कोटी रुपये निव्वळ नफा कमावला आहे. मागील वर्षी 2022-23 या आर्थिक वर्षात जुलै-सप्टेंबर या तिमाहीत अदानी पॉवर कंपनीने 696 कोटी रुपये निव्वळ नफा कमावला होता. अदानी पॉवर कंपनीच्या करपूर्व उत्पन्नात सुधारणा झाली आहे, यासोबत उत्पन्न आणि कर आघाडीवर मिळालेली सवलत या सर्व सकारात्मक बाबीमुळे अदानी पॉवर कंपनीच्या निव्वळ नफ्यात वाढ पाहायला मिळाली आहे.

2023-24 या चालू आर्थिक वर्षाच्या जुलै-सप्टेंबर तिमाहीत अदानी पॉवर कंपनीने 61 टक्के वाढीसह 12,155 कोटी रुपये महसूल संकलित केला आहे. मागील वर्षी याच तिमाहीत अदानी पॉवर कंपनीने 7,534 कोटी रुपये महसूल संकलित केला होता.

अदानी पॉवर कंपनीच्या मते, कंपनीच्या उत्पन्नात इतकी वाढ होण्याचे मुख्य कारण म्हणजे, कंपनीचे वीज विक्रीचे प्रमाण खूप वाढले आहे. अदानी पॉवर कंपनीची स्थापित थर्मल पॉवर निर्मिती क्षमता 15,210 मेगावॅट आहे. या कंपनीचे वीज प्रकल्प गुजरात, महाराष्ट्र, कर्नाटक, राजस्थान, छत्तीसगड, मध्य प्रदेश, झारखंड या राज्यात स्थित आहेत.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | Adani Power Share Price NSE 03 November 2023.