IREDA IPO | 32 रुपयाचा शेअर एकदिवसात तब्बल 37 टक्के परतावा देऊ शकतो, स्वस्त IPO शेअर चर्चेत

IREDA IPO | इंडियन रिन्यूएबल एनर्जी डेव्हलपमेंट एजन्सी म्हणजेच आयआरईडीए या सरकारी कंपनीचे शेअर्स सूचीबद्ध होण्यास सज्ज झाले आहेत. तज्ञांच्या मते पहिल्याच दिवशी या कंपनीचे शेअर्स 40 रुपये किंमत करतील. आयआरईडीए या सरकारी कंपनीच्या IPO ला गुंतवणूकदारांनी जबरदस्त प्रतिसाद दिला आहे. या कंपनीचा IPO 38 पट अधिक सबस्क्राइब झाला होता. ग्रे मार्केटमध्ये देखील या कंपनीचे शेअर्स 35 टक्क्यांपेक्षा जास्त प्रीमियम किमतीवर ट्रेड करत होते.

आयआरईडीए कंपनीचा IPO 21 नोव्हेंबर 2023 ते 23 नोव्हेंबर 2023 दरम्यान गुंतवणुकीसाठी खुला करण्यात आला होता. या कंपनीने आपल्या IPO मध्ये शेअरची किंमत बँड 30-32 रुपये निश्चित केली होती. आयआरईडीए या सरकारी कंपनीचे शेअर्स 32 रुपये या अप्पर किमतीवर वाटप करण्यात आले. ग्रे मार्केटमध्ये हा स्टॉक 12 रुपये प्रीमियम किमतीवर टिकुन राहिला तर, कंपनीचे शेअर्स 44 रुपये किमतीवर सूचीबद्ध होऊ शकतात. म्हणजेच स्टॉक लिस्टिंगच्या पहिल्याच दिवशी गुंतवणुकदारांना 37 टक्के नफा मिळू शकतो.

आयआरईडीए या सरकारी कंपनीचा IPO एकूण 38.80 पट अधिक सबस्क्राइब झाला होता. या कंपनीच्या IPO मध्ये किरकोळ गुंतवणूकदारांसाठी राखीव ठेवण्यात आलेला कोटा 7.73 पट अधिक सबस्क्राइब झाला होता. तर गैर-संस्थात्मक गुंतवणूकदारांचा राखीव कोटा 24.16 पट अधिक सबस्क्राईब झाला होता. क्वालिफाईड इन्स्टिट्यूशनल बायर्सचा राखीव कोटा 104.57 पट अधिक सबस्क्राइब झाला होता.

या कंपनीच्या IPO मध्ये कर्मचाऱ्यांचा राखीव कोटा 9.80 पट अधिक सबस्क्राइब झाला होता. किरकोळ गुंतवणूकदार आयआरईडीए आयपीओमध्ये किमान 1 लॉट आणि आणि कमाल 13 लॉट खरेदी करू शकत होते. आणि 13 लॉट खरेदी करण्यासाठी गुंतवणूकदारांना 191360 रुपये जमा करावे लागले होते.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | IREDA IPO for investment on 28 November 2023.