सर्व सत्ता एका व्यक्तीच्या हातात, एकच व्यक्ती देश चालवणार अशी परिस्थिती - उद्धव ठाकरे

मुंबई, २६ ऑगस्ट : काँग्रेसच्या अंतरिम अध्यक्षा सोनिया गांधी यांनी आज काँग्रेस समर्थित सरकारचे मुख्यमंत्री व पश्चिम बंगालच्या मुख्यमंत्री ममता बॅनर्जी यांच्यासोबत काँग्रेस शासित राज्यांच्या मुख्यमंत्र्यांसोबत बैठक बोलविली. जीएसटी आणि नीट-जेईई परीक्षेबाबत ही बैठक घेण्यात आली.

सोनिया गांधी यांनी आयोजित केलेल्या या बैठकीत कोरोनासह विविध विषयांवर चर्चा झाली. कोरोनाविरुद्ध लढाईची चर्चा होत असताना ममता बॅनर्जी यांनी उद्धव ठाकरेंचे खूप कौतुक केले. तुम्ही करोना संसर्गाशी खूपच चांगलंच लढत आहात, असं ममता बॅनर्जी यांनी सांगितले. ममता बॅनर्जींनी केलेल्या कौतुकाचे आभार मानत मी लढणाऱ्या बापाचा लढणारा मुलगा आहे, असं उद्धव ठाकरे यांनी सांगितले. तसेच केंद्रातील सत्ताधाऱ्यांविरोधात लढायचं की त्यांना घाबरून राहायचं हे आधी ठरवलं पाहिजे, असं मत उद्धव ठाकरे यांनी या बैठिकित मांडले.

“घाबरायचं आहे की लढायचं हे आधी आपल्याला ठरवलं पाहिजे. अन्यथा आपण रोज भेटत राहू आणि अशाच चर्चा करत राहू, जर आपल्याला लढायचं असेल तर मग ते कोणत्याही किंमतीत केलं पाहिजे,” असं मत उद्धव ठाकरेंनी मांडलं.

केंद्र सरकारवर टीका करताना उद्धव ठाकरेंनी म्हटलं की, “ते विरोधी पक्षात आहेत किंवा ते इतर पक्षांबद्दल वाईट विचार करता असं नाही. पण तेदेखील सर्वसामान्यांचे प्रतिनिधी आहेत”. “आपले देखील काही हक्क आहेत. आज सर्व सत्ता एका व्यक्तीच्या हातात आहे. पण मग राज्य सरकारांचा काय उपयोग? एकच व्यक्ती देश चालवणार अशी परिस्थिती निर्माण होणार आहे का ? हे होणार नाही. जर आपण राज्यघटनेला मानणार नसू तर मग लोकशाही कुठे आहे?,” असे सवाल उद्धव ठाकरेंनी विचारले.

News English Summary: Congress interim president Sonia Gandhi today called a meeting with the chief ministers of the Congress-backed government and West Bengal Chief Minister Mamata Banerjee and the chief ministers of the Congress-ruled states. The meeting was held on GST and NEET-JEE exams.

News English Title: Maharashtra Chief Minister Uddhav Thackeray Targets Centre Government During Meeting Congress Sonia Gandhi News Latest Updates.