मंत्रिमंडळ विस्तार; राष्ट्रवादीकडून कोणाला मिळणार संधी

मुंबई: महाविकास आघाडीच्या सरकारचा रखडलेला मंत्रिमंडळ विस्तार अखेर होत आहे. या विस्तारात आघाडीमधील शिवसेना, राष्ट्रवादी काँग्रेस व काँग्रेस या तीन पक्षांच्या मिळून एकूण ३६ नव्या मंत्र्यांचा समावेश असणार आहे. सोमवारच्या शपथविधीनंतर सर्व मंत्र्यांना खातेवाटप होईल, अशी अपेक्षा आहे. ठाकरे सरकारच्या पहिल्याच मंत्रिमंडळात आमदार आदित्य ठाकरेंना स्थान मिळालंय. आदित्य ठाकरे सुद्धा मंत्रिपदाची शपथ घेणार आहेत. ठाकरे सरकारच्या मंत्रिमंडळात २५ कॅबिनेट मंत्री असणार आहेत.

शिवसेना, राष्ट्रवादी, कॉंग्रेसच्या मंत्र्यांचा सोमवारी दुपारी १ वाजता विधान भवनाजवळ शपथविधी होईल. कायद्यानुसार राज्यात मुख्यमंत्र्यांसह ४३ मंत्र्यांचे मंत्रिमंडळ करता येते. राष्ट्रवादीकडून अनेकांना पहिल्यांदा मंत्रिपदाची संधी मिळणार आहे.

काँग्रेसकडून मंत्रिमंडळ विस्ताराची अधिकृत यादी जाहीर.@INCMaharashtra @AshokChavanINC @prithvrj @bb_thorat @OfficeofUT @ShivSena @NCPspeaks pic.twitter.com/U3iWHE0WBw

— महाराष्ट्रनामा न्यूज (@MahanamaNews) December 30, 2019

महिन्यापूर्वी सत्तेत आलेल्या मुख्यमंत्री उध्दव ठाकरे यांच्या नेतृत्वाखालील सरकारचा सोमवारी विस्तार होत आहे. राष्ट्रवादीत बंड करून भाजपशी सलगी केलेल्या अजित पवार यांच्याकडेच उपमुख्यमंत्रीपद सोपविण्यात येणार असून, राष्ट्रवादीने बहुतांशी जुन्याच चेहऱ्यांना संधी दिली आहे. शिवसेनेने आपला मुंबईचा पाया अधिक मजबूत करण्यावर भर दिला आहे. कॉंग्रेसमध्ये नेहमीप्रमाणेच शेवटपर्यंत घोळ सुरू होता.

Web Title:  NCP may give opportunity to many freshers in State Ministry.