29 March 2024 7:19 PM
अँप डाउनलोड
बातम्या फ्लॅश
Numerology Horoscope | 30 मार्च 2024 | तुमची जन्म तारीख किती? अंकज्योतिष शास्त्र सांगेल तुमचा शनिवारचा दिवस कसा असेल Horoscope Today | तुमचे शनिवारचे राशिभविष्य | 30 मार्च 2024 | तुमच्या राशीनुसार तुमचा शनिवारचा दिवस कसा असेल जाणून घ्या Adani Power Share Price | अदानी पॉवर आणि रिलायन्स इंडस्ट्रीजमध्ये मोठा करार, शेअरमध्ये मजबूत वाढीचे संकेत Skipper Share Price | अल्पावधीत 510 टक्के परतावा देणारा शेअर खरेदीला ऑनलाईन धावपळ, नेमकं कारण काय REC Share Price | 1 वर्षात REC शेअरने 292% परतावा दिला, आता एका सकारात्मक बातमीने शेअर्स खरेदीला गर्दी Reliance Share Price | खुशखबर! भरवशाचा रिलायन्स इंडस्ट्रीज शेअर देईल 55 टक्केपर्यंत परतावा, तज्ज्ञांकडून फायद्याचे संकेत Reliance Power Share Price | शेअरची किंमत 28 रुपये, अवघ्या 15 दिवसांत 40% परतावा देणारा स्टॉक लवकरच मल्टिबॅगर?
x

शिवसेनेला धक्का! कल्याणमधील २६ नगरसेवकांसह ३०० कार्यकर्त्यांचे राजीनामे

Dombivali Shivsena, Kalyan Shivsena

डोंबिवली: ‘आमचं ठरलंय’ असे सांगून निवडणुकीत युती करणाऱ्या शिवसेना-भारतीय जनता पक्षामधील स्थानिक पातळीवरील संघर्ष शमण्याची चिन्हे नाहीत. विधानसभा निवडणूक प्रचारादरम्यानच शिवसेनेला मोठा धक्का बसला आहे. कल्याण-डोंबवली आणि उल्हासनगर महानगरपालिकेतील २६ नगरसेवक आणि ३०० कार्यकर्त्यांनी पक्षप्रमुख उद्धव ठाकरे यांच्याकडे राजीनामे सपुर्द केले आहेत. जागावाटपावरून ते नाराज असल्याचे सांगण्यात येत आहे.

यंदाची विधानसभा निवडणूक भारतीय जनता पक्ष-शिवसेनेसह सर्वच पक्षांनी प्रतिष्ठेची केली आहे. सत्ताधारी वर्चस्वासाठी, तर विरोधी पक्ष अस्तित्वासाठी लढत आहेत. सर्वत्र पक्षांतराचे वारे वाहत असतानाच, ठाण्यातील कल्याणमध्ये शिवसेनेला मोठा झटका बसला आहे. शिवसेनेत तिकीट वाटपावरून मोठी नाराजी पसरली आहे. कल्याण, डोंबिवलीमधील शिवसेनेच्या २६ नगरसेवकांसह ३०० कार्यकर्त्यांनी आपले राजीनामे पक्षप्रमुख उद्धव ठाकरे यांच्याकडे दिले आहेत. जागावाटपावरून हे नगरसेवक आणि कार्यकर्ते नाराज असल्याचे सांगण्यात येत आहे.

नगरसेवकांनी राजीनामे दिल्याने केवळ शिवसेनाच नव्हे तर भारतीय जनता पक्षासमोरील अडचणी देखील वाढल्या आहेत. कारण महायुतीत काही ठिकाणी शिवसेनेचाही दबदबा आहे. परंतु, यावेळी काही ठिकाणी भारतीय जनता पक्षाने त्यांचा उमेदवार रिंगणात उतरवला आहे. अशावेळी उमेदवाराला स्थानिक कार्यकर्त्यांच्या विरोधाला सामोरे जावे लागणार आहे. ठाणे जिल्ह्य़ातील १८ मतदारसंघांपैकी काही अपवाद वगळले तर जवळपास प्रत्येक मतदारसंघात भारतीय जनता पक्षा आणि शिवसेनेतील कार्यकर्त्यांमध्ये समन्वयातील दरी अगदी स्पष्टपणे जाणवत आहे. कल्याण पूर्व आणि पश्चिम या मतदारसंघांत या दोन्ही पक्षांत उघडपणे बंड झाल्याने त्याचे पडसाद आता जिल्ह्य़ातील वेगवेगळ्या मतदारसंघांत पाहायला मिळू लागले आहेत.

कल्याण पूर्व मतदारसंघात शिवसेनेचे उल्हासनगर येथील नगरसेवक धनंजय बोडारे यांनी बंडखोरी केल्याने भारतीय जनता पक्षाचे विद्यमान आमदार गणपत गायकवाड दुखावले गेले आहेत. बोडारे हे कल्याणचे खासदार श्रीकांत शिंदे यांचे कट्टर समर्थक मानले जातात. शिंदे यांचे पाठबळ असल्याशिवाय बोडारे बंड करणे शक्यच नाही, असा गायकवाड समर्थकांचा होरा आहे. त्यामुळे बोडारे यांची बंडखोरी होताच गायकवाड यांनी थेट पालकमंत्र्यांवर टीकेचे आसूड ओढले. त्यानंतर येथे शिवसेनेची फळी अधिक ताकदीने बोडारे यांच्यामागे उभी राहिल्याचे चित्र आहे.

हॅशटॅग्स

#Shivsena(1170)

संबंधित बातम्या

राहुन गेलेल्या बातम्या

x