मुंबई महापालिका निवडणूक | राजकीय भूक वाढलेल्या भाजप नेत्यांनी रचलेला सापळा राज ठाकरेंनी वेळीच ओळखला?
![Raj Thackeray](https://www.maharashtranama.com/wp-content/uploads/Raj-Thackeray-BJP.png?v=0.941)
Raj Thackeray | महाराष्ट्र नवनिर्माण सेनेचे अध्यक्ष राज ठाकरे हे आपल्या पुण्यातील सभेत अयोध्या दौऱ्याबाबत काय बोलणार याकडे सगळ्यांचं लक्ष लागून राहिलं होतं. कारण या सभेआधीच अयोध्या दौरा तूर्तास स्थगित अशी पोस्ट राज ठाकरेंनी ट्विटरवर टाकली होती. त्यात त्यांनी असंही म्हटलं होतं की, पुण्यात या सविस्तर बोलू. त्यामुळे राज ठाकरे याबाबत काय बोलणार याकडे सगळ्यांचं लक्ष लागून राहिलं. अखेर आपण दौरा फक्त मनसे कार्यकर्त्यांच्या काळजीपोटी हा दौरा रद्द केला असल्याचं राज ठाकरे म्हणाले.
दरम्यान, आज राज ठाकरेंनी सभेला संबोधित करताना असा दावा केला की, ‘आपल्या सगळ्यांना अडकविण्यासाठी हा सगळा सापळा रचला गेला होता. म्हणून मी दौरा रद्द केला. मी जात नाही म्हटल्यावर चार शिव्या पण खायल्या पण मी तयार आहे. माझ्यावर टीका होणार असेल तर टीका पण सहन करायला तयार आहे.’ असं राज ठाकरे यावेळी म्हणाले.
थेट नाव घेणं टाळलं, पण संशय भाजपवरच :
पुण्यातल्या सभेत बोलताना राज ठाकरे म्हणाले की त्यांच्या अयोध्या दौऱ्याला विरोध करण्यासाठी थेट महाराष्ट्रातूनच रसद पुरवली गेली पण ती नेमकी कोणत्या नेत्यानं पुरवली त्यांची नावं त्यांनी जाहीर नाही केली. खरं तर राज ठाकरे स्पष्ट आणि थेट बोलण्यासाठी प्रसिद्ध आहेत पण याबाबतीत मात्र त्यांनी चित्रं स्पष्ट करण्याऐवजी फक्त इशारा करण्याचा प्रयत्न केला. ते म्हणाले, त्यानंतर पुण्यात मी अयोध्येला जाणार याची तारीख जाहीर केली. त्यानंतर हे प्रकरण सुरू झालं. अयोध्येला येऊ देणार नाही. मी पाहत होतो. काय चाललं नेमकं.
पुढे राज ठाकरे म्हणाले, मला मुंबईतून माहीत मिळत होती. दिल्लीतून माहिती मिळत होती. उत्तर प्रदेशातून माहिती मिळत होती. नेमकं काय चाललंय. एक वेळ चाललं की हा ट्रॅप आहे. या सापळ्यात आपण अडकलं नाही पाहिजेत. या सर्व गोष्टीची सुरुवात झाली. त्याची रसद पुरवली गेली. त्याची सुरुवात महाराष्ट्रातून झाली, हा विषय पुन्हा बाहेर काढा. ज्यांना ज्यांना माझी अयोध्या वारी खुपली होती असे अनेक जण होते. त्या सर्वांनी मिळून आराखडा आखला.
फडणवीसांपासून केंद्रीय मंत्र्यांच्या राज ठाकरेंच्या घरी भेटी :
विषय थेट उत्तर प्रदेशाशी संबंधित असल्याने भाजपचे अनेक बडे नेते हे राज ठाकरे यांच्यापासून अंतर राखून असल्याचे. मात्र राज ठाकरेंचा अयोध्या दौरा निश्चित होण्यापूर्वी अचानक भाजपचे बडे नेते थेट राज ठाकरेंच्या घरी जाऊ लागले. विशेष म्हणजे ते राज ठाकरेंचा ‘राजकीय जयजयकार’ देखील करत होते. त्यानंतर अयोध्या दौरा निश्चित झाला आणि तारीखही ठरली. मात्र मनसेच्या काही वर्षांपूर्वीच्या उत्तर भारतीयांविरोधातील आंदोलनावेळी टीका करताना किंवा आक्रमक भूमिका घेताना ना दिसणारे सध्याचे अयोध्येतील खासदार ब्रिज भूषण सिंग समोर आले आणि पुढील प्रकार मागील काही दिवस चर्चेत आहे ते सर्वश्रुत आहे.
मात्र या मध्ये भाजपचे महाराष्ट्रातील सर्व नेते अचानक शांत होतं ‘मौनी बाबाच्या’ भूमिकेत गेल्याचं दिसलं. कोणीही पुढाकार घेतला नाही. विशेष म्हणजे भाजपचे खासदार ब्रिज भूषण सिंग हे मुख्यमंत्री योगी आदित्यनाथ याचं देखील ऐकत नसल्याची राजकीय पुडी आधीच सोडण्यात आली होती. म्हणजे मनसेतून कोणी महाराष्ट्रातील भाजप नेत्यांना याबाबत पुढाकार घेण्यास विचारलं तर हे उत्तर तयार होतं. त्याचाच संदर्भ राज ठाकरेंनी आजच्या सभेत दिला. ते म्हणजे यूपीतील एक खासदार तिथल्या मुख्यमंत्र्यांचं देखील ऐकत नाही म्हणजे काय?.. तेच होतं महाराष्ट्रातील भाजप नेत्यांनी सोडलेलं राजकीय पिल्लू.
भाजपाला कोणत्याही स्थितीत मुंबई महापालिका हवी आहे :
मुंबई महानगरपालिका हे शिवसेनचं राजकीय शक्तिस्थळ आहे. आगामी मुंबई महानगरपालिका निवडणुकीत तेच भाजपला कोणत्याही स्थितीत हवं आहे. तसेच महाराष्ट्रातील प्रचंड राजकीय भूक वाढलेल्या भाजप नेत्यांना दिल्लीतील वजन खूप भक्कम करायचं आहे. मुंबईत शिवसेनेकडे मराठी, उत्तर भारतीय मतदार मोठ्या प्रमाणावर आहेत मात्र आता मुस्लिम मतदारही (महाविकास आघाडीमुळे) जोडले जाणार आहेत. त्यात मुंबईत शिवसेनेची स्थानिक पातळीवर अनुभवी पदाधिकारी, कार्यकर्त्यांची आणि महिला सेनेची भक्कम फळी आहे. त्यामध्ये भाजप मुंबईत खूपच कमी आहे. त्यात भाजप हा मुंबईत मराठी मतदारांचा आवडता पक्ष नाही आणि मुस्लिम मतदार आपल्याला मतं देणार नाही. तसेच गुजराती मतांवर मुंबई महानगरपालिका निवडणुका जिंकता येणार नाहीत हे भाजपच्या नेत्यांना माहिती आहे.
त्यामुळे राज ठाकरे अयोध्येत गेले असते आणि तिकडे यूपीत भाजपच्या नेत्यामार्फत राज ठाकरे आणि मनसे कार्यकर्त्यांविरोधात काही अघटिक घटना घडवली असती आणि त्यानंतर भाजप नेत्यांने राज ठाकरे आणि मनसेला अद्दल घडवली अशी राजकीय बोंबाबोंब करून मुंबईत उत्तर भारतीयांकडून मतं मिळवली असती असा देखील यामागून राजकीय अंदाज व्यक्त होतं आहे. पण राज ठाकरे या राजकीय सापळ्यात अडकण्यापूर्वीच सावध झाल्याने राज्यातील भाजप नेत्यांची अडचण झाली आहे हे नक्की. भाजपने आपल्या राजकीय सहकारी पक्षांना कसं संपवलं आणि संपवण्याचा प्रयत्न केला हे सर्वश्रुत आहे. मग तोच भाजप पक्ष मनसेला जवळ का करेल हा देखील विचार करून मनसेने स्वतःचं स्वतंत्र राजकारण खेळणं महत्वाचं ठरेल असं राजकीय जाणकार म्हणतात.
महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया खालील ‘फॉलो (Follow) ‘ बटणवर न विसरता क्लिक करून महाराष्ट्रनामाला फॉलो कडून बातमी शेअर करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
News Title: Raj Thackeray rally in Pune check details here 22 May 2022.
संबंधित बातम्या
व्हिडिओ
-
VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
-
VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
-
VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
-
पेट्रोल डिझेलचे भाव गगनाला भिडले तरी मोदी गप्प?
-
कोरोना रुग्णांच्या आरोग्य सेवांवरून राज्य सरकार गोधळलंय
-
महाराष्ट्रनामा कोरोना डॅशबोर्ड
-
महाराष्ट्र...कोरोना रुग्ण...बेड्स...राज्य सरकारचं वास्तव उघड
-
सोनू सूद लॉकडाउन दरम्यानचा खरंच देव आहे? जाणून घ्या सत्य
-
सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
-
Credit Card Payment | तुमचं क्रेडिट कार्ड बिल बनली डोकेदुखी? काळजी करू नका, फॉलो करा 'या' टिप्स
-
Reliance Share Price | रिलायन्ससहित टॉप कंपन्यांचे शेअर्स स्वस्तात खरेदीची संधी? किती फायदा होईल?
-
Horoscope Today | तुमचे मंगळवारचे राशिभविष्य | 11 जून 2024 | तुमच्या राशीनुसार तुमचा मंगळवारचा दिवस कसा असेल जाणून घ्या
-
Rajnish Retail Share Price | स्टॉक प्राईस 83 रुपये, दिला 12000% परतावा, श्रीमंत करतोय हा शेअर
-
JP Associates Share Price | स्टॉक प्राईस 11 रुपये, यापूर्वी दिला 705 टक्के परतावा, शेअर 'BUY' करावा की 'Sell'?
-
RVNL Share Price | PSU शेअरने 1 महिन्यात दिला 42% परतावा, स्वस्तात खरेदी करा, मोठा फायदा होईल
-
Salary Saving | नोकरदारांनो! पगारवाढ 5-10% झाली तरी काळजी करू नका, स्मार्ट बचत देईल मोठा परतावा
-
Numerology Horoscope | 11 जून 2024 | तुमची जन्म तारीख किती? अंकज्योतिष शास्त्र सांगेल तुमचा मंगळवारचा दिवस कसा असेल
-
RVNL Share Price | पटापट परतावा देतोय RVNL स्टॉक, 1 महिन्यात दिला 35% परतावा, वेळीच खरेदी करा
-
Nandan Denim Share Price | शेअर प्राईस रु. 45, 2 दिवसात दिला 16% परतावा, स्टॉक स्प्लिटच्या अपडेटने तुफान खरेदी