राज्याला आज नाटकाची नाही तर सहकार्याची गरज - आ. रोहित पवार

मुंबई, २२ मे : कोरोनाची परिस्थिती हाताळण्यात उद्धव ठाकरे सरकारला अपयश आल्याचा आरोप करत भाजपने आज राज्यभरात आंदोलन केलं. भाजप नेत्यांनी केलेल्या आरोपांना शिवसेनेनं उपरोधिक शब्दांत उत्तर दिलं आहे. देवेंद्र भौ, आमचं चुकलंच, असं म्हणत शिवसेनेनं विरोधी पक्षनेते देवेंद्र फडणवीस यांच्या आरोपांना उत्तर दिलं.

मुख्यमंत्री उद्धव ठाकरे सतत महाराष्ट्रातील जनतेची काळजी वाहत आहेत, त्यांची जबाबदारी घेत आहेत. कोविड सेंटर उभारून रुग्णांचे प्राण वाचवत आहेत. भाजपच्या नेत्यांसारखे टाळ्या, थाळ्या वाजवायला आणि दिवे लावून चमकायला सांगत नाहीत. म्हणून देवेंद्र भौ, आमचं चुकलंच!, असा टोला शिवसेनेच्या प्रवक्त्या डॉ. मनीषा कायंदे यांनी लगावला आहे.

दुसरीकडे राष्ट्रवादीने देखील भाजपाला जोरदारपणे लक्ष केलं आहे. राष्ट्रवादी काँग्रेसचे आमदार रोहित पवार यांनी भाजपावर निशाणा साधला आहे. राज्याला आज नाटकाची नाही तर सहकार्याची गरज असल्याचं म्हणत रोहित पवार यांनी भाजपाच्या आदोलनावर टीका केली आहे.

“मास्क वापरण्याचा आणि अंतर ठेवण्याचा नियम वगळता हे सगळं नाटकाच्या स्क्रिप्टप्रमाणेच वाटलं. आज राज्याला अशा नाटकाची नाही तर सहकार्याची गरज आहे. म्हणून तुम्हाला कळकळीची विनंती करतो, राज्यातील लोकांचा आणि कोरोना वॉरियर्सचा अपमान करू नका,” असं रोहित पवार म्हणाले. त्यांनी ट्विटरवरून भाजपाच्या आंदोलनावर निशाणा साधला.

पण मास्क वापरण्याचा व अंतर ठेवण्याचा नियम वगळता हे सगळं नाटकाच्या स्क्रिप्टप्रमाणेच वाटलं. आज राज्याला अशा नाटकाची नाही तर सहकार्याची गरज आहे. म्हणून तुम्हाला कळकळीची विनंती करतो, राज्यातील लोकांचा आणि कोरोना वॉरियर्सचा अपमान करू नका.

— Rohit Pawar (@RRPSpeaks) May 22, 2020

News English Summary: NCP MLA Rohit Pawar has targeted BJP. Rohit Pawar has criticized the BJP’s agitation saying that the state needs cooperation and not drama.

News English Title: NCP MLA Rohit Pawar Criticize Bp Leaders Protest In Maharashtra Corona virus News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.