सरकार कृषी कायद्यात ८०% बदल करण्यास तयार | यावरून समजा कायदे किती वाईट आहेत

नवी दिल्ली, १० डिसेंबर: केंद्रीय कृषी कायद्याच्या विरोधात शेतकऱ्यांच्या आंदोलनाचा आज पंधरावा दिवस आहे. पंजाब आणि हरियाणासह इतर राज्यातील हजारो शेतकरी दिल्ली सीमेवर मोठ्या संख्येने जमले आहेत. दरम्यान, केंद्रीय कृषिमंत्री नरेंद्रसिंग तोमर यांनी शेतकरी आंदोलन आणि नवीन कृषी कायद्याबाबत पत्रकार परिषद घेतली, त्याला उत्तर म्हणून शेतकरी नेते राकेश टिकैत यांनी आंदोलनस्थळावरून पत्रकार परिषद घेऊन शेतकर्‍यांच्या वतीने प्रतिक्रिया दिली.

राकेश टिकैट म्हणाले की, ‘आम्ही कृषिमंत्र्यांचे ऐकत होतो … त्यांनी काही सुद्धा नवीन सांगितले नाही. त्यांनी सुचवलेल्या दुरुस्त्या आम्हाला मान्य नाहीत. एमएसपी दिल्याशिवाय आम्ही येथून सोडणार नाही. हा कायदा मागे घ्यावा, अशी मागणी शेतकरी नेत्यांनी लावून धरली आहे.

आपल्या पत्रकार परिषदेदरम्यान राकेश टिकैत म्हणाले की एमएसपी लागू करण्याची मागणी आम्ही केली होती, पण सरकारने ती पूर्ण केली नाही. संपूर्ण देशातील शेतकऱ्यांना हेच हवे आहे. या सरकारच्या कार्यकाळात स्वामीनाथन समितीच्या अहवालाची अंमलबजावणीही झालेली नाही. टिकैट म्हणाले की, जर सरकार 80 टक्के बदल करण्यास तयार असेल तर हे कायदे किती वाईट आहेत हे आपल्याला समजू शकेल. सरकारच्या सर्व मंत्र्यांनी एकत्र येऊन शेतकऱ्यांच्या बाजूने निर्णय घेण्याचे आवाहन त्यांनी यावेळी केले.

तत्पूर्वी, कृषिमंत्री नरेंद्रसिंग तोमर म्हणाले की, आमचे सरकार शेतकऱ्यांशी चर्चा करण्यास तयार होते. परंतु त्यादरम्यान 26 आणि 27 नोव्हेंबर रोजी शेतकर्‍यांनी आंदोलन जाहीर केले. यानंतर, वाटाघाटीची फेरी सुरू झाली, लवकरच यावर काही तोडगा निघेल.

News English Summary: Today is the fifteenth day of the farmers’ agitation against the Central Agriculture Act. Thousands of farmers from Punjab and Haryana and other states have gathered in large numbers at the Delhi border. Meanwhile, Union Agriculture Minister Narendra Singh Tomar held a press conference on the farmers’ agitation and the new agriculture law, to which farmer leader Rakesh Tikait took a press conference from the agitation site and responded on behalf of the farmers.

News English Title: Farmers protest Rakesh Tikait says we want withdrawal of new farm laws MSP news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.