राजस्थान: भाजपला धक्का, खासदार हरीशचंद्र मीणा आणि आमदार हबीबुर रहमान काँग्रेसमध्ये

राजस्थान : राजस्थान विधानसभा निवडणुकीच्या तोंडावर नरेंद्र मोदी सरकारला जोरदार राजकीय झटका देत भारतीय जनता पक्षाचे खासदार हरीशचंद्र मीणा आणि आमदार हबीबुर रहमान यांनी बुधवारी काँग्रेसमध्ये जाहीर प्रवेश केला आहे. यादी महाराष्ट्रातून भाजप सोडून काँग्रेसमध्ये विदर्भातील खासदार नाना पटोले यांनी काँग्रेसमध्ये प्रवेश केला होता. त्यानंतर हरीशचंद्र मीणा हे काँग्रेस प्रवेश करणारे दुसरे खासदार ठरले आहेत. त्यामुळे सध्या लोकसभेत भाजपचे संख्याबळ अधिकृतपणे २७२च्या जादुई आकड्यावरून खाली घसरले आहे.

खासदार हरीश मीणा हे राजस्थानच्या दौसा लोकसभा मतदारसंघाचे प्रतिनिधित्व करत होते. काल त्यांनी काँग्रेसचे राष्ट्रीय सरचिटणीस अशोक गहलोत, प्रदेश काँग्रेसचे अध्यक्ष सचिन पायलट यांच्या प्रमुख उपस्थितीत काँग्रेस पक्षात जाहीर प्रवेश करत भाजपाला आई मोदी सरकारला धक्का दिला आहे. दरम्यान, अशोक गहलोत राजस्थानचे मुख्यमंत्री असताना हरीश मीणा हे राज्याचे तत्कालीन पोलिस महासंचालक होते.

२०१४च्या निवडणुकीत भाजपच्या तिकिटावर त्यांनी आपलेच ज्येष्ठ बंधू आणि काँग्रेसचे उमेदवार नमो नारायण मीणा यांचा दारुण पराभव केला होता. तसेच कालच खासदार हरीश मीणा यांच्या काँग्रेस प्रवेशासोबतच काँग्रेसने राजस्थानात अशोक गहलोत आणि सचिन पायलट यांच्या विधानसभा उमेदवारीची सुद्धा अधिकृत घोषणा केली आहे.