शिंदे गटातील मंत्र्यांकडून आंबेडकरी चळवळीतील महिला नेत्याचा अपमान तर आदीवासी कोळी समाजाचा आवाज दाबण्याचा प्रयत्न

Sushma Andhare | शिंदे गटातील मंत्री गुलाबराव पाटील यांनी आंबेडकरी चळवळीतील महिला शिवसेना उपनेत्या सुषमा अंधारे यांच्याविषयी अत्यंत खालच्या पातळीवरील अपमानजनक उल्लेख केला आहे. सुषमा अंधारे यांनी गुलाबराव पाटलांच्या भागात जाऊन त्यांना खुलं आव्हान दिलं होतं. यानंतर गुलाबराव पाटील राजकीय दृष्ट्या बिथरल्याचं पाहायला मिळतंय. दरम्यान टीका करताना मंत्री गुलाबराव पाटलांची जीभ घसरली आहे.

ठाकरेंना त्यांच्या पिक्चरमध्ये नटीची गरज होती. ज्याप्रमाणे पिक्चरमध्ये एखादी बाई पाहिजे, त्याप्रमाणे आमच्या पिक्चरमध्ये या बाईला आणलं. सुषमा अंधारे यांना मुंबई महापालिका निवडणुकीसाठी लाडू दिला आहे, म्हणून त्या फिरत आहे. मला माझा जिल्हा ओळखतो. त्यांनाही महाराष्ट्र ओळखतो. त्यांचा कुठेही पिक्चर चालला नाही म्हणून त्यांना नटीची गरज होती. ज्याप्रमाणे पिक्चरमध्ये एखादी बाई पाहिजे असते, त्याप्रमाणे यांनी आता आमच्या पिक्चरमध्ये या बाईला आणलं. असा खालच्या भाषेतील अपमानजनक हल्ला मंत्री गुलाबराव पाटील यांनी उध्दव ठाकरे तसेच आंबेडकरी चळवळीतील महिला नेत्या सुषमा अंधारे यांच्यावर केला.

सुषमा अंधारे यांना भाषण करण्याची परवानगी नाकारल्यानंतर:
तीन महिन्यांच्या बाळाला अडवण्यासाठी 500 पोलीस का लागले, असा सवाल शिवसेना नेत्या सुषमा अंधारे यांनी केला आहे. जळगाव जिल्ह्यातील मुक्ताई नगर येथे सुषमा अंधारे यांना भाषण करण्याची परवानगी नाकारल्यानंतर त्यांनी ही शिंदे सरकार आणि विशेषतः जळगावमधील पाणीपुरवठा मंत्री गुलाबराव पाटील यांच्यावर अत्यंत शेलक्या शब्दात टीका केली आहे. दुसरीकडे आदिवासी कोळी समाजाचे नेते शरद कोळी यांचा आवाज देखील दाबण्याचा प्रयत्न केला जातोय.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Minister Gulabrao Patil controversial statement against Sushma Andhare check details 06 November 2022.