कांग्रेस है तो ही मुमकिन है? | राजस्थानमध्ये मोदी सरकार देत असलेला उज्ज्वला योजनेतील 1040 रुपयांचा सिलिंडर 500 रुपयात
LPG Cylinder in Rs 500 | राजस्थानचे मुख्यमंत्री अशोक गहलोत यांनी राज्यातील गरीब कुटुंबांना केवळ ५०० रुपयांत एलपीजी सिलिंडर देण्याची घोषणा केली आहे. दारिद्र्य रेषेखालील आणि ज्यांना उज्ज्वला योजनेअंतर्गत एलपीजी कनेक्शन देण्यात आले आहे, अशा कुटुंबांसाठी गेहलोत यांनी ही घोषणा केली आहे. 1 एप्रिल 2023 पासून आपली नवी योजना लागू करण्यात येणार असून त्यासाठी पुढील महिन्यात सादर होणाऱ्या अर्थसंकल्पात तरतूद करणार असल्याचं मुख्यमंत्र्यांनी सांगितलं. काँग्रेस खासदार राहुल गांधी यांच्या भारत जोडो यात्रेदरम्यान राजस्थानमधील अलवरमध्ये आयोजित करण्यात आलेल्या विराट सभेत मुख्यमंत्री अशोक गेहलोत यांनी ही मोठी घोषणा केली.
राहुल गांधी, खरगे यांच्या उपस्थितीत घोषणा
अलवरच्या मलाखोदा येथे आयोजित सभेत अशोक गेहलोत यांनी आपल्या नव्या योजनेची घोषणा केली तेव्हा काँग्रेस अध्यक्ष मल्लिकार्जुन खरगेही व्यासपीठावर उपस्थित होते. आपल्या नव्या योजनेविषयी माहिती देताना गेहलोत म्हणाले की, पुढील महिन्यात त्यांचे सरकार राज्याचा नवा अर्थसंकल्प सादर करणार असून, त्यात दारिद्यरेषेखालील कुटुंबांना स्वस्त स्वयंपाकाचा गॅस देण्याची तरतूद करण्यात येणार आहे. १ एप्रिल २०२३ पासून राज्यातील उज्ज्वला योजनेशी संबंधित गरिबांना १ हजार ४० रुपयांचे एलपीजी सिलिंडर अवघ्या ५०० रुपयांत देण्यात येणार असल्याचे त्यांनी सांगितले. या योजनेअंतर्गत अशा कुटुंबांना वर्षभरात १२ सिलिंडर स्वस्त दरात देण्यात येणार असल्याचे त्यांनी सांगितले. पुढील महिन्यात सादर होणाऱ्या नव्या अर्थसंकल्पात जनतेवरील महागाईचा बोजा कमी करण्यासाठी किट वाटपाची योजनाही आणली जाईल, असेही गेहलोत यांनी सांगितले. राजस्थानमध्ये पुढील वर्षी विधानसभा निवडणुका होणार आहेत. राहुल गांधी यांची भारत जोडो यात्राही शंभर दिवस पूर्ण करून राजस्थानमधून जात आहे.
मोदी सरकारने गॅस कनेक्शन दिले, पण सिलिंडर रिकामे पडले आहेत : गेहलोत
अशोक गेहलोत म्हणाले की, पंतप्रधान नरेंद्र मोदी यांनी उज्ज्वला योजनेच्या नावाखाली गरिबांना एलपीजी कनेक्शन दिले, पण त्यांच्या घरातील सिलिंडर रिकामे आहेत, कारण गॅस सिलेंडरची किंमत 400 रुपयांवरून 1040 रुपये झाली आहे. सामान्य जनतेवरील महागाईचा बोजा कमी करण्यासाठी राज्यातील काँग्रेस सरकार एकापाठोपाठ एक अनेक पावले उचलणार आहे, असे ते म्हणाले. गेहलोत म्हणाले की, त्यांचे सरकार केवळ 50 युनिटपर्यंत मोफत वीज देत नाही, तर शेतकऱ्यांना दरमहा 1,000 रुपये दिले जात आहेत. यामुळे राज्यातील 46 लाख शेतकऱ्यांना वीज खर्च करण्यासाठी खिशातून पैसेही खर्च करावे लागत नाहीत.
राजस्थान सरकार १ कोटी लोकांना पेन्शन देणार – गेहलोत
मुख्यमंत्री गहलोत म्हणाले की, त्यांचे सरकार सामाजिक सुरक्षा कार्यक्रमांतर्गत राज्यातील एक कोटी लोकांना पेन्शन देत आहे. कोरोना महामारीच्या काळात राजस्थान सरकारने खूप चांगले काम केले, त्याचे जागतिक आरोग्य संघटनेकडूनही (डब्ल्यूएचओ) कौतुक करण्यात आले आहे, असे ते म्हणाले. याशिवाय गहलोत यांनी आपल्या सरकारकडून रोजगाराच्या संधी वाढवण्यासाठी करण्यात येत असलेल्या उपाययोजनांचाही या रॅलीत उल्लेख केला.
राजस्थानमध्ये पुढील वर्षी विधानसभा निवडणुका होणार असून, राज्यात पुन्हा सत्ता स्थापनेसाठी काँग्रेस प्रयत्नशील आहे. मात्र, गेहलोत आणि माजी उपमुख्यमंत्री सचिन पायलट यांच्या गटांमध्ये प्रदेश काँग्रेसमध्ये सुरू असलेल्या संघर्षामुळे हे प्रयत्न यशस्वी होण्याच्या शक्यतेवरही प्रश्नचिन्ह उपस्थित होत आहे. मात्र, राहुल गांधी यांच्या भारत जोडो यात्रेदरम्यान हे दोन्ही नेते सतत एकत्र दिसतात. अलवरच्या रॅलीत राहुल गांधी आणि मल्लिकार्जुन खर्गे यांच्यासोबत हे दोघंही एका मंचावर उपस्थित होते. पण केवळ कार्यक्रमात एकत्र राहण्याच्या आधारावर त्यांच्या परस्परांतील विसंवादात काही घट झाली आहे, असे म्हणता येणार नाही. विशेषत: गेहलोत यांनी अलीकडेच सचिन पायलट यांच्याबाबत ज्या प्रकारची वक्तव्ये केली, ती पाहता तसे करणे सोपे नाही.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
News Title: LPG gas cylinder in 500 rupees in Rajasthan state declared by CM Ashok Gehlot for poor families check details on 20 December 2022.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- 8th Pay Commission | सरकारी कर्मचाऱ्यांसाठी खुशखबर! 8'वा वेतन आयोग केव्हा स्थापन होणार? बेसिक पगार किती वाढणार?
- Jai Balaji Share Price | कुबेर कृपा करतोय हा शेअर! वेळीच खरेदी करा, मागील 1 वर्षात दिला 1700 टक्के परतावा
- IREDA Share Price | PSU IREDA शेअर्स श्रीमंत करू शकतात, अवघ्या 5 महिन्यात दिला 440% परतावा, खरेदी करणार?
- Trent Share Price | टाटा ग्रुपच्या शेअरने 6 महिन्यात दिला 110 टक्के परतावा, तज्ज्ञांकडून पुढची टार्गेट प्राईस जाहीर
- IndiGo Share Price | एक अपडेट आली आणि इंडिगो शेअर्स तेजीत, अल्पावधीत 32% परतावा दिला, संधीचा फायदा घ्या
- Numerology Horoscope | 01 मे 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल
- Numerology Horoscope | 03 मे 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल
- RVNL Share Price | RVNL कंपनीबाबत सरकारात्मक अपडेट आली, शेअर सुसाट तेजीत धावणार, पुन्हा मल्टिबॅगर?
- BHEL Share Price | PSU शेअर सुसाट तेजीत, 1 वर्षात 258% परतावा दिला, अजून एक सकारात्मक अपडेट
- Vesuvius Share Price | अल्पावधीत 400% परतावा देणाऱ्या शेअरची एकदिवसात 15% उसळी, खरेदीला ऑनलाईन गर्दी