वरळी विधानसभा लढाई; रस्त्यावरील खड्डयांनी त्रस्त जनता विरुद्ध नाईट लाईफ अशी असेल
मुंबई : शिवसेना नेते आणि युवा सेनेचे प्रमुख आदित्य ठाकरे हे मुंबईतील वरळी मतदारसंघातून विधानसभेची निवडणूक लढवण्याची शक्यता शिवसेनेतच जोर धरू लागली आहे. दरम्यान आदित्य ठाकरे यांनी मुंबईतील नेमके कोणत्या मतदारसंघातून लढावे याची पूर्ण चाचपणी एका सर्वेक्षणाच्या माध्यमातून शिवसेनेने केल्याची खात्रीलायक माहिती प्रसार माध्यमांकडे आहे. युवा सेनेचे सरचिटणीस व आदित्य यांचे मावसभाऊ वरुण सरदेसाई यांनी सोमवारी इन्स्टाग्रामवर एक पोस्ट टाकून या विषयाची माहिती सार्वजनिक केली. संबंधित पोस्टमध्ये लिहिले की, ‘हीच वेळ आहे हीच संधी. लक्ष्य विधानसभा २०१९. महाराष्ट्र वाट पाहतोय!’ त्यामुळे ठाकरे कुटुंबात आदित्य यांनी निवडणूक लढण्यासंदर्भात गांभीर्याने विचार सुरू असल्याचे म्हटले जाते.
सूत्रांनी सांगितले की, शिवसेनेच्या एका अंतर्गत सर्व्हेमध्ये आदित्य ठाकरे यांनी कुठून लढावे यासंदर्भात एक सर्वेक्षण करून घेतले आहे. त्यात ४ मतदारसंघांचा पर्याय समोर आला. त्यानुसार वांद्रे पूर्व, माहिम, शिवडी आणि वरळी हे ते ४ मतदारसंघ आहेत. चारही मतदारसंघांमध्ये अनुक्रमे तृप्ती सावंत, सदा सरवणकर, अजय चौधरी आणि सुनील शिंदे हे शिवसेनेचे आमदार आहेत. त्यात शिवडी येथून मनसेचे बाळा नांदगावकर विधानसभा लढवत असल्याने शिवसेना कोणताही धोका पत्करणार नाही, तसेच माहीम विधानसभेची जागा आज जरी शिवसेनेकडे असली तरी त्याचं मूळ कारण २०१४ मधील मोदी लाट हेच होतं ज्याचा थेट फायदा शिवसेनेच्या उमेदवाराला झालं होता. तसेच येथून मनसेचे नितीन सरदेसाई विधानसभा लढवत असल्याने शिवसेना येथून देखील धोका पत्करणार नाही.
त्यात वांद्रे पूर्व येथून अल्पसंख्यांकाची मतं मोठ्या प्रमाणावर असल्याने काय होईल सांगता येणार नसल्याने शिवसेना येथून देखील धोका पत्करणार नाही. त्यामुळे पहिली पसंती ही वरळीला असेल. वरळी हा शिवसेनेचा बालेकिल्ला मानला जातो. कारण विधानसभेचे माजी अध्यक्ष दत्ताजी नलावडे यांनी १९९० ते २००४ पर्यंत चार वेळा या ठिकाणी विजय मिळविला होता. २००९ मध्ये राष्ट्रवादीचे सचिन अहिर यांनी विजय मिळवून शिवसेनेला धक्का दिला होता; पण २०१४ मध्ये मोदी लाटेत शिवसेनेचे सुनील शिंदे यांनी या ठिकाणी मोठा विजय मिळवून बालेकिल्ला पुन्हा मिळवला. दरम्यान, शिवडी आणि माहीम विधानसभा मतदारसंघात मनसेची मोठी ताकद असल्याने या मतदासंघात शिवसेना कमीत कमी आदित्य ठाकरे यांच्याबाबतीत कोणताही धोका पत्करेल असं वाटत नाही.
दरम्यान मनसेचे सरचिटणीस संदीप देशपांडे यांनी एक ट्विट करून मुंबई महापालिकेत सत्तेत आलेल्या शिवसेना पक्ष आणि त्यांचे नेते आदित्य ठाकरे यांच्या विधानसभा निवडणुकीतील बातम्यांना अनुसरून एक खोचक ट्विट केले आहे आणि आदित्य ठाकरे समर्थन करत असलेल्या मुंबई नाईट लाईफची देखील खिल्ली उडवली आहे. काय ट्विट केलं आहे संदीप देशपांडे यांनी;
2019 वरळी विधान सभेतील लढाई ही रस्त्यावरील खड्डयांनी त्रस्त झालेली जनता विरुद्ध night life अशीच असेल
— Sandeep Deshpande (@SandeepDadarMNS) May 28, 2019
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Mastek Share Price | 40 रुपयाच्या शेअरची कमाल! तब्बल 4000 टक्के परतावा दिला, आता एका दिवसात 20% वाढला
- Gold Rate Today | बापरे! लग्नासराईच्या दिवसातही सोनं खरेदी करणं परवडणार नाही, लवकरच 1 लाख रुपये तोळा होणार
- Talbros Auto Share Price | टॅलब्रोस कंपनीची ओरडारबुक मजबूत होताच शेअर्स तेजीत, 2 दिवसात 10 टक्के परतावा
- Numerology Horoscope | 19 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल
- Numerology Horoscope | 17 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल
- Stocks in Focus | मार्ग श्रीमंतीचा! हे टॉप 5 बँकिंग शेअर्स तुम्हाला अल्पावधीत 38 टक्केपर्यंत परतावा देतील, संधी सोडू नका
- Reliance Power Share Price | अवघ्या 4 वर्षात 2325 टक्के परतावा दिला, शेअर प्राईस 26 रुपये, पुढे तेजी येणार का?
- Reliance Infra Share Price | 2 दिवसात रिलायन्स इन्फ्रा शेअर 36 टक्के घसरला, पण स्टॉकला 'या' प्राईसवर सपोर्ट
- Numerology Horoscope | 18 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा गुरुवारचा दिवस कसा असेल
- Ambuja Cement Share Price | अदानी ग्रुपचा सिमेंट शेअर! कंपनीने नवीन अपडेट दिली, शेअर 35 टक्के वाढणार