लॉकडाउन'बाबत पंतप्रधान मोदी आज रात्री ८ वाजता संवाद साधणार

नवी दिल्ली, १२ मे: देशात सोमवारी सर्वाधिक रुग्णांची नोंद झाली. लॉकडाउनच्या तिसऱ्या टप्प्याच्या अखेरीस एकाच दिवशी इतक्या मोठ्या संख्येनं रुग्ण आढळून आले आहेत. २४ तासांमध्ये ४,२१३ रुग्ण देशात आढळले. लॉकडाउन असतानाही रुग्णांच्या संख्येत वाढ होत असताना दिलासादायक बाब म्हणजे देशात अजूनही समूह संसर्ग झालेला नाही. मात्र, महाराष्ट्रासह काही राज्यातील स्थिती चिंता व्यक्त करण्यासारखी आहे. त्यामुळे १७ मे नंतर लॉकडाउनचं काय होणार? हे काही दिवसातचं स्पष्ट होण्याची चिन्ह आहेत. त्यासंदर्भात केंद्रानं राज्यांना धोरण आखण्याची सूचनाही केली आहे.

कोरोना संकटातून मार्ग काढण्याच्या दृष्टीनं पंतप्रधान नरेंद्र मोदी यांनी काल सर्व राज्यांच्या मुख्यमंत्र्यांशी चर्चा केली. देशात लागू असलेला लॉकडाऊनचा तिसरा टप्पा १७ मे रोजी संपणार आहे. पंतप्रधान आणि मुख्यमंत्र्यांच्या बैठकीत झालेली चर्चा आणि त्या चर्चेचा एकंदर सूर पाहता देशातला लॉकडाऊन वाढण्याची शक्यता आहे. त्याची घोषणा पंतप्रधान मोदी आज करू शकतात. लॉकडाऊनच्या पहिल्या तीन टप्प्यांपेक्षा चौथा टप्पा वेगळा असेल, अशी चर्चा आहे. यामध्ये राज्य सरकारांना अधिकचे अधिकार मिळू शकतात.

दरम्यान, पंतप्रधान नरेंद्र मोदी पुन्हा एकदा कोरोनाचे संकट आणि लॉकडाउनच्या पार्श्वभूमीवर देशाला संबोधित करतील. पंतप्रधान मोदी आज रात्री ८ वाजता देशातील जनतेशी संवाद साधणार आहेत. आपल्या संबोधनाद्वारे ते कोरोनाला रोखण्यासाठी सरकारने घेतल्या उचललेल्या पावलांबाबत जनतेला माहिती देण्याची शक्यता व्यक्त होत आहे. यावेळी ते लॉकडाउनबाबत महत्त्वाची घोषणा करतील अशीही शक्यता व्यक्त केली जात आहे.

Shri @narendramodi will be addressing the nation at 8 PM this evening.

— PMO India (@PMOIndia) May 12, 2020

News English Summary: PM Narendra Modi will once again address the nation against the backdrop of the Corona crisis and lockdown. Prime Minister Modi will address the people of the country tonight at 8 p.m. In his address, he is expected to inform the public about the steps taken by the government to curb Corona. It is also expected that he will make important announcements about the lockdown this time.

News English Title: Prime Minister Narendra Modi to address the-nation today at 8 PM over Lockdown News Latest Updates.