लेडी दबंग पोलीस अधिकारी श्वेता जडेजाची ३५ लाखाच्या लाच प्रकरणी चौकशी

अहमदाबाद, ४ जुलै : पोलीस अधिकारी लोकांची सेवा करण्यासाठी आणि गुन्हेगारांना अद्दल घडवण्यासाठी असतात, मात्र काही पोलिसांच्या लाच घेण्याच्या सवयीमुळं संपूर्ण विभागची बदनामी होत असते. असाच काहीसा प्रकार अहमदाबादमधील लेडी दबंग पोलीस उप-निरिक्षकानं केला. श्वेता जडेजा असे त्यांचे नाव असून, त्यांच्यावर ३५ लाखांची लाच मागितल्याचा आरोप आहे.

श्वेता जडेजा यांच्यावर या प्रकरणी गुन्हा दाखल करण्यात आला. श्वेता या लेडी दबंग म्हणून ओळखल्या जातात. पीएसआय श्वेता जडेजावर एका आरोपीवरचे गुन्हा मागे घेण्यासाठी लाच मागितल्याचा आरोप आहे. श्वेता यांनी या आरोपीकडून २० लाख रुपये घेतले होते, त्यानंतर 15 लाखांची मागणी केली होती. दरम्यान, काही अधिकाऱ्यांना याबाबत माहिती मिळाल्यानंतर श्वेता जडेजा यांची चौकशी करण्यात आली. यात त्यांनी लाच घेतल्याचे समोर आले.

तक्रारदाराने चौकशी अधिकाऱ्यांसमोर व्हॉट्सअ‍ॅप संदेश रेकॉर्ड सुपूर्द केले ज्यांच्या माध्यमातून लाचेच्या मागणी करण्यात आली होती. वरिष्ठ एसओजी अधिकाऱ्यांनी सांगितले की पीएसआय श्वेता जडेजा याच्यावर भ्रष्टाचार प्रतिबंधक कायद्यान्वये गुन्हा दाखल करण्यात आला असून त्यांना ताब्यात घेण्यात आले आहे. तसेच श्वेता जडेजाची कोव्हिड चाचणी देखील करण्यात येईल असं वरिष्ठ एसओजी अधिकाऱ्यांनी म्हटलं आहे.

News English Summary: The habit of taking bribes from the police brings the whole department into disrepute. Something similar was done by the Lady Dabang police sub-inspector in Ahmedabad. Her name is Shweta Jadeja and she is accused of soliciting bribe of Rs 35 lakh.

News English Title: Ahmedabad PSI Shewta Jadeja arrested for taking 35 lakhs bribe News Latest updates.