विनाअनुदानित घरगुती गॅस सिलिंडर आणखी महाग

नवी दिल्ली: सिलिडरच्या दरात सलग तिसऱ्या महिन्यात वाढ करण्याचा निर्णय घेण्यात आला आहे. तेल विपणन कंपन्यांनी सलग तिसऱ्या महिन्यात एलपीजीच्या किंमतीत वाढ केली आहे. इंडियन ऑईल कॉर्पोरेशननुसार विना अनुदानित घरगुती गॅस सिलिंडरच्या दरात ७७ रूपयांची वाढ करण्यात आली आहे. त्यामुळे आता दिल्लीत १४.२ किलोग्रॅमच्या विना अनुदानित घरगुती गॅस सिलिंडरसाठी आता ६८१.५० रूपये मोजावे लागणार आहेत. तर मुंबईत १४.२ किलोच्या सिलिंडरसाठी ६५१ रूपये मोजावे लागणार आहेत.

तर दुसरीकडे व्यावसायिक गॅस सिलिंडरच्या (१९ किलो) दरातही मोठी वाढ करण्यात आली आहे. यामध्ये ११९ रूपयांची वाढ करण्यात आली असून आता दिल्लीत १९ किलोच्या सिलिंडरसाठी दिल्लीत १ हजार २०४ रूपये मोजावे लागणार आहेत. ऑक्टोबर महिन्यात १९ किलोच्या सिलिंडरसाठी १ हजार ८५ रूपये मोजावे लागत होते. याव्यतिरिक्त पाच किलोच्या सिलिंडरच्या दरातही लाढ करण्यात आली असून ते आता २६४.५० रूपयांना मिळणार आहे. आजपासूनच हे नवे दर लागू करण्यात आले आहेत.

विनाअनुदानित सिलिंडर दरवाढी आधी ६३९.५० रुपयांना मिळत होतं. तर व्यावसायिक गॅस सिलिंडरच्या (१९ किलो) दरातही ११९ रुपयातही वाढ झाली आहे. दुकानदारांना हे व्यावसायिक सिलिंडर हे १२८८ रुपयांना पडेल. हे सिलिंडर आधी दुकानदारांना ११६९ रुपयांना मिळत होतं. तर पाच किलोच्या छोट्या सिलिंडरचे दरही २६४.५० रुपयांपर्यंत वाढले आहेत. वाढलेले दर आज सकाळपासून लागू झाले आहेत.

सप्टेंबरमध्ये दिल्लीत १४.२ किलो विनाअनुदानित सिलिंडर ५९० रुपये होता. कोलकात्यात याच सिलिंडरचा दर ६१६.५० रुपये होता. तर मुंबई आणि चेन्नईत १४.२ किलो विनाअनुदानित सिलिंडरचा दर क्रमशः ५६२ आणि ६०६.५० रुपये होता. तसेच १९ किलोग्रामच्या दिल्लीतल्या सिलिंडरची किंमत १०५४.५० रुपये होती. कोलकात्यात गेल्या महिन्यात १११४.५० रुपये, मुंबईत १००८.५० रुपये आणि चेन्नईत ११७४.५० रुपये दर होता.

घरगुती गॅस सिलिंडरच्या दरात गेल्या तीन महिन्यांपासून सतत वाढ होतेय. गेल्या तीन महिन्यांत विनाअनुदानीत घरगुती गॅस सिलिंडरच्या बाजार भावात एकूण १०५ रुपयांनी वाढ झाली आहे. तीन महिन्यांपूर्वी ऑगस्टमध्ये हे सिलिंडर ६११ रुपयांना मिळत होतं. तर व्यावसायिक सिलिंडरचे दर १९३ रुपयांनी वाढले आहेत. हे सिलिंडर तीन महिन्यांपूर्वी १०९५ रुपयांना दुकानदारांना मिळत होतं.