गुजरातच्या फेक विकासाची पावसामुळे पोलखोल | राज्यात राज्य महामार्गांसह 103 रस्ते बंद ठेवण्याची नामुष्की

गांधीनगर, २४ सप्टेंबर | सौराष्ट्र, कच्छ आणि राज्याच्या दक्षिण भागासह गुजरातच्या अनेक भागात गुरुवारी मुसळधार पाऊस पडला. त्याचबरोबर भारतीय हवामान विभागाने अंदाज व्यक्त केला आहे की देशातील काही पश्चिम राज्यात पुढील ४ दिवस पाऊस अजून पडणार आहे.

गुजरातच्या फेक विकासाची पावसामुळे पोलखोल, राज्यात राज्य महामार्गांसह 103 रस्ते बंद ठेवण्याची नामुष्की – Heavy rain in many parts of Gujarat total 103 roads closed due to rain forecast :

गुजरात राज्य आपत्कालीन ऑपरेशन केंद्राच्या (एसईओसी) अधिकाऱ्यांनी सांगितले की, मुसळधार पावसामुळे मोठ्या प्रमाणावर पाणी साचल्याने आणि रस्त्यांना झालेल्या प्रचंड नुकसानीमुळे दोन राज्य महामार्गांसह 103 रस्ते राज्याच्या विविध भागात बंद करण्यात आले आहेत.

हवामान खात्याने आज जाहीर केलेल्या अंदाजानुसार, पुढील चार दिवस दक्षिण गुजरात आणि सौराष्ट्र प्रदेशात, विशेषत: जामनगर, देवभूमी-द्वारका, अमरेली आणि भावंजर जिल्ह्यात मुसळधार ते अतिवृष्टी होण्याची शक्यता आहे.

एसईओसीने जारी केलेल्या प्रसिद्धीनुसार, आज दिवसभरात जामनगर, कच्छ, नवसारी, सुरत आणि वलाड जिल्ह्यांच्या काही भागात जोरदार पाऊस झाला आहे. आज सकाळी 6 ते संध्याकाळी 4 दरम्यान जामनगर जिल्ह्यातील जोडीया तालुक्यात सर्वाधिक 188 मिमी पाऊस झाला आहे.

आकडेवारीनुसार, कच्छमधील नखतरानामध्ये 93 मिमी, नवसारीच्या गंडावी 81 मिमी, चिखली 77 मिमी, सुरतचे उमरपाडा 73 मिमी, वलसाडचे कपर्दा 69 मिमी आणि कच्छचे अंजार 66 मिमी पाऊस झाला आहे.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया खालील ‘फॉलो (Follow) ‘ बटणवर न विसरता क्लिक करून महाराष्ट्रनामाला फॉलो करा आणि बातमी नक्की शेअर करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल. आरोग्य विषयक लेखात दिलेला सल्ला ही केवळ सामान्य माहिती आहे. हे तज्ञांचे मत नाही.

News Title: Heavy rain in many parts of Gujarat total 103 roads closed due to rain forecast.