या वर्षाअखेरीस कोरोना व्हायरसवर नक्कीच लस मिळेल - डोनाल्ड ट्रम्प

वॉशिंग्टन, ४ एप्रिल : कोरोनामुळं अमेरिकेत हाहाकार माजला असताना गेल्या काही दिवसांपासून येथील मृत्यूदर कमी झाला आहे. अशा परिस्थितीत अमेरिकेचे राष्ट्रपती डोनाल्ड ट्रम्प यांनी असा दावा केला आहे की, कोरोनाव्हायरसची लस तयार करण्याचे काम जोरात सुरू असून, या वर्षाअखेरीस नक्कीच लस मिळेल. दरम्यान, अमेरिकेतील काही राज्यांमध्ये बाजार आणि दुकाने खुली करण्याची परवानगी देण्यात आली आहे.

मात्र सामाजिक अंतर पाळणे बंधनकारक असणार आहे. ट्रम्प यांनी असा विश्वास व्यक्त केला आहे की, कोरोनाचा वाईट काळ टळून गेला आहे. अमेरिकेची अर्थव्यवस्था पुन्हा आपल्या पायावर उभी राहिल, अशी वेळ आता आली आहे.

अमेरिकेच्या न्यूयॉर्कमध्ये १८ हजारांवर मृत्यू झाले आहेत. गेले काही दिवस अमेरिकेत रोज हजारांवर बळी जात आहेत. तर न्यूजर्सीमध्ये साडेसात हजारावर बळी जात आहेत. मात्र चीनवरील आरोपांचे सत्र अमेरिकेत असून सुरूच आहेत. चीनने एका विशिष्ट उद्देशानं हा व्हायरस तयार केल्याचाही आरोप होतो आहे.

आता कोरोना व्हायरसची माहिती लपवण्यामागे अमेरिकेनं नवा खुलासा केला आहे. कोरोनाचं किती मोठ्या प्रमाणात संक्रमण झालं हे पाहण्यासाठीच चीननं माहिती लपवून ठेवली आहे. जेणेकरून ते इतर देशांना निर्यात करत असलेला वैद्यकीय पुरवठा वाढवू शकतील असा नवा आरोप करण्यात आला आहे.

News English Summary: The death toll in the United States has risen sharply in recent days as the Corona has caused a famine in the United States. In such a scenario, US President Donald Trump has claimed that work on a corona virus vaccine is in full swing and that the vaccine will be available by the end of this year. Meanwhile, markets and shops have been allowed to open in some US states.

News English Title: Story US President Donald Trump said US will create corona virus covid 19 vaccine by end of this year News Latest Updates.