कोरोना व्हायरस हा कोणत्याही लसीशिवाया निघून जाईल - डोनाल्ड ट्रम्प

वॉशिंग्टन, ९ मे : कोरोना व्हायरसचा कहर संपूर्ण जगासमोरील एक मोठं आव्हान ठरलं आहे. गेल्या कित्येक महिन्यांपासून या विषाणूच्या संसर्गामुळे जगातील कित्येक देश आणि या देशांतील कैक नागरिक प्रभावित झाले आहेत. अनेकांना तर, यामध्ये आपले प्राणही गमवावे लागले आहेत. अशामध्येच सध्याच्या घडीला कोरोनाचा सर्वाधिक कठीण परिस्थितीचा सामना करावा लागणारा देश म्हणून अमेरिकेचं नाव पुढे येत आहे.

देश अतिशय मोठ्या संकटातून जात असतानाच दर दिवशी संपूर्ण जगभरात अमेरिकेचे राष्ट्राध्यक्ष डोनाल्ड ट्रम्प यांची वक्तव्या अनेकांच्याच भुवया उंचावत आहेत. कधी स्वत:ची कोरोना चाचणी करणारे, तर कधी माध्यमांसमोर येऊन कोरोनाच्या परिस्थितीविषयी माहिती देणारे ट्रम्प आता असं काही भाकित करुन गेले आहेत ज्यामुळे ते पुन्हा एकदा वैश्विक स्तरावर अनेकांचं लक्ष वेधत आहेत.

नेमकं काय म्हणाले डोनाल्ड ट्रम्प?

“कोरोना व्हायरस हा कोणत्याही लसीशिवाया निघून जाईल. असा दूर जाईल की आपण त्याला पुन्हा पाहूच शकणार नाही. आत्तापर्यंत अनेक आजार आले आणि कोणत्याही लसीशिवाय निघून गेले तसाच करोनाही जाईल. हे सगळं लगेच घडेल का? तर तसं माझं म्हणणं नाही. मात्र एक वेळ अशी येईल की कोरोना नाहीसा झालेला असेल.” असंही त्यांनी म्हटलं आहे.

Global report: Trump says Covid-19 will ‘go away without vaccine’, expects US death toll to top 95,000 https://t.co/iknDOBKL3a

— The Guardian (@guardian) May 9, 2020

अमेरिका हा असा देश आहे जिथे कोरोनामुळे आत्तापर्यंत ७५ हजारांपेक्षा जास्त मृत्यू झाले आहेत. तर १३ लाखांपेक्षा जास्त लोकांना कोरोनाची लागण झाली आहे.

News English Summary: The corona virus will go away without any vaccines. It will go away so that you will never see him again. Corona will go away as many diseases have come and gone without any vaccine so far. Will it all happen right away? So that’s not what I’m saying. But one day Corona will be gone. ” Even so, Donald Trump said.

News English Title: Story US President Donald Trump Says Corona virus Will Disappear Without A Covid 19 Vaccine News Latest Updates.