भाजपचं राज्यव्यापी वीजबिल होळी आंदोलन | नागरिकांना सहभागी होण्याचं आवाहन

मुंबई, २० नोव्हेंबर: राज्यातील शिवसेना – काँग्रेस – राष्ट्रवादी काँग्रेस आघाडी सरकारला वीजबिलात सवलत देण्यास भाग पाडण्यासाठी सोमवार दि. २३ नोव्हेंबर रोजी भारतीय जनता पार्टीतर्फे राज्यव्यापी वीजबिल होळी आंदोलन करण्यात येणार असून नागरिकांनी त्यामध्ये मोठ्या संख्येने सहभागी व्हावे, असे आवाहन भारतीय जनता पक्षाचे प्रदेशाध्यक्ष चंद्रकात पाटील यांनी केले.

“कोरोनाच्या पार्श्वभूमीवर राज्यात लावण्यात आलेल्या लॉकडाऊनच्या काळात राज्यातील नागरिकांना अवाजवी वीजबिले आली. त्यानंतर सरकारने याबाबत दिलासा देण्याचे जाहीर केले होते. परंतु, काहीच दिवसांपूर्वी राज्याच्या ऊर्जामत्र्यांनीच वीजबिलाबाबत दिलासा देता येणार नाही असे स्पष्ट सांगितले आहे. राज्य सरकारने जनतेचा विश्वासघात केला आहे. याच पार्श्वभूमीवर, या सरकारला सत्तेच्या धुंदीतून जागे करण्यासाठी भारतीय जनता पक्षाकडून राज्यव्यापी वीजबिल होळीचे आंदोलन करण्यात येणार आहे”, असे चंद्रकांत पाटील यांनी जाहीर केले आहे.

चंद्रकांत पाटील पुढे असेही म्हणाले की, “कोरोना काळात आर्थिक व्यवहार ठप्प झाल्याने आधीच नागरिकांना फार मोठे आर्थिक नुकसान सहन करावे लागले आहे. त्यातही अजून वीज कंपन्यांच्या भोंगळ कारभारामुळे नागरिकांना आवाजवी वीजबिले आली आहेत. परंतु, सरकार याबाबत लोकांना दिलासा तयार नाही. म्हणूनच भारतीय जनता पक्षाने या प्रश्नावर जनहितासाठी रस्त्यावर उतरण्याचा निर्णय घेतला आहे. भारतीय जनता पक्षाचे कार्यकर्ते सोमवारी ठिकठिकाणी वीजबिलांची होळी करून या विषयाकडे सरकारचे लक्ष वेधण्याचा प्रयत्न करतील”.

News English Summary: Shiv Sena-Congress-NCP alliance government in the state to force the government to give concessions in electricity on Monday. Bharatiya Janata Party (BJP) will organize a state-wide electricity bill Holi agitation on November 23 and a large number of citizens should participate in it, appealed BJP state president Chandrakant Patil.

News English Title: BJP will organize a state wide electricity bill Holi agitation on November 23 news updates.