नवी मुंबईतील महापे स्थित आयटी कंपनीतील १९ कर्मचाऱ्यांना कोरोनाची लागण

नवी मुंबई, २२ एप्रिल: कोरोना विषाणूचा प्रादुर्भाव दिवसागणिक काहीसा वाढत असतानाच मंगळवारी एकाच दिवशी कोरोनाच्या १५० रुग्णांना डिस्चार्ज देण्यात आला. ही सध्याच्या घडीची अत्यंत दिलासादायक बाब समोर येत आहे. आतापर्यंत कोरोनातून सावरलेल्या एकूण ७२२ रुग्णांना घरी सोडण्यात आलं आहे. या ७२२ जणांपैकी पुरूषांची संख्या सर्वाधिक ४४१ असून त्यात २८१ महिलांचाही समावेश आहे.

राज्यात जास्त रुग्ण मुंबई परिसरात आढळून येत असतानाच बरे होऊन घरी गेलेल्यांमध्ये सर्वाधिक रुग्णसंख्या मुंबईची आहे. ज्यामध्ये ३७४ रुग्णांचा समावेश आहे. त्यापाठोपाठ पुणे महापालिका परिसरात १२० रुग्णांना घरी सोडण्यात आलं आहे. कोरोनाचं संकट बळावतानाच राज्यात कोरोना रुग्ण बरे होणाऱ्यांची संख्याही दिवसागणिक वाढत आहे हे नाकारता येणार नाही.

मात्र आता नवी मुंबईतून चिंता वाढवणारी बातमी आली आहे. नवी मुंबईतील एका आयटी कंपनीमध्ये काम करणाऱ्या १९ कर्मचाऱ्यांना कोरोनाची लागण झाल्यामुळे एकच खळबळ उडाली आहे. नवी मुंबईतल्या महापे एमआयडीतीली आयटी कंपनीमध्ये काम करणाऱ्या ४० कर्मचाऱ्यांची कोरोना तपासणी करण्यात आली होती.

यामधील १९ कर्मचाऱ्यांना कोरोनाची लागण झाली असल्याचे बुधवारी समोर आले. एका खासगी लॅबमध्ये त्यांची कोरोना तपासणी करण्यात आली होती. या सर्व कर्मचाऱ्यांना उपचारासाठी वाशी येथील एनएमएमसी हॉस्पिटलमध्ये दाखल करण्यात आले आहे. महापे येथील या आयटी कंपनीमध्ये बँकेच्या डेटाबेसचे काम केले जाते.

News English Summary: News from Navi Mumbai has raised concerns. A corona infection has affected 19 employees of an IT company in Navi Mumbai. The corona was inspected by 40 employees of an IT company at Mahape MIDC in Navi Mumbai.

News English Title: Story Corona virus 9 employees of IT Firm in Navi Mumbai Test Covid 19 positive Corona Crisis News Latest Updates.